نێزیكی 4 مههانه هێرشا تركیێ ل سهر باشوورێ كوردستانێ بهردهوامه، پێگهها داركا مازی زانیاریێن ههری تایبهت ل دۆر ههژمارا كوشتیێن پهكهكێ و عهسكهرێن ترك ل حهفتهنینێ ب دهست ئێخستنه.
چاڤكانیێن تایبهت یێن پێگهها داركا مازی ل باشوورێ كوردستانێ ئهشكهره كرن، ژ رۆژا دهستپێكرنا هێرشا سوپایێ تركیێ ل سهر باشوورێ كوردستانێ كو ل شهڤا 15 سهر 16 مهها خزیرانا ئهڤساله بوو، ب دههان عهسكهرێن ترك و چهكدارێن پهكهكێ ل حهفتهنینێ هاتنه كوشتن.
ئهشكهره كر ژ رۆژا 15/6/2020ێ و ههتا رۆژا 7/10/2020ێ، ههژمارا 54 عهسكهرێن ترك تهنێ ل حهفتهنینێ هاتنه كوشتن و ههروهها 32 عهسكهر بریندار بوونه.
لدۆر زیانێن پهكهكێ ژی ئهشكهره كرن، ل ههمان دهمێ ئانكو ژ 15 مهها خزیرانێ، عهسكهرێن ترك 113 چهكدارێن پهكهكێ ل حهفتهنینێ كوشتنه و ههروهها 30 چهكدار بریندار كرنه.
چاڤكانیێن پێگهها داركا مازی دهست نیشان كر، ل گهل ڤان زیانێن گیانی، 23 چهكدارێن پهكهكێ ب دیل كهتنه دهستێ سوپایێ تركیێ، ههروهها ژ رۆژا دهستپێكرنا هێرشێ چهكدارێن پهكهكێ بهردهوام ب رێیا نوقتهیێن سوپایێ تركیێ ل سنۆرێ باشوور و باكورێ كوردستانێ، خوه رادهستی سوپایێ تركیێ دكهن.