بۆچی په‌كه‌كێ «رێڤه‌به‌رێ ئیستخباراتا حه‌فته‌نینێ» ته‌سفییه كر؟
پارتییا كاركه‌رێن كوردستانێ ژ ده‌ستپێكا دامه‌زراندنا خۆ، ب سەدان كادرێن خوه و کەسێن وه‌لاتپارێز یێن دەرڤەی پارتییا خوە ته‌سفییه كرنه، «باگه‌ر ئامه‌د» رێڤه‌به‌رێ ئیستخباراتا حه‌فته‌نینێ یه‌ك ژ وانه كو په‌كه‌كێ ب سووچا «سیخۆرییا ژ بۆ ده‌وله‌تا تركیێ» ته‌سفییه كری، لێ د راستی دا ئەڤ بەهانەیا پەکەکێ ب تنێ ژ بۆ رازیکرنا خه‌لكی یه ب کارێن خۆ یێن تیرۆریستی، هه‌گەر نه چ راستییەک ژ بۆ ڤێ یەکێ نینە، پەکەکە هەر کەسەکێ وه‌لاتپارێز ب ڤێ بەهانەیێ تەسفیە دکەت، کانی یلماز، هارۆنێ سەرمەزن و شۆرشێ سمبێل زەر و ب دەهان میناکێن دی یێن ب ڤی رەنگینە کو پەکەکێ ب ڤێ بەهانەیا بێ بنەما ئەو تیرۆر کرینە.
ل گۆر هنده‌ك پێزانینان كو ژ چاڤكانیێن پێگه‌ها داركا مازی ب ده‌ست كه‌تینه، رێڤه‌به‌رێ ئیستخباراتا په‌كه‌كێ یێ ده‌ڤه‌را حه‌فته‌نینێ ل باشوورێ كوردستانێ «باگه‌ر ئامه‌د»، په‌كه‌كێ ب بریارا قه‌ندیلێ ته‌سفییه كر و پشتره هه‌په‌گێ ب داخویانییه‌كا نڤیسكی راگهاند كو «باگه‌ر ئامه‌د» د چالاكییه‌كێ دا ل دەردۆرا وانێ یا باكورێ كوردستانێ شه‌هیدبوویه.
«باگه‌ر ئامه‌د» ژ به‌ر كو بسپۆرییه‌كا زێده د وارێ له‌شكری، ئیستخباراتێ و چێكرنا TNT یێ دا هه‌بوو، ئه‌و ل سالا 2017ێ ل رێڤه‌به‌رییا ئیستخباراتا حه‌فته‌نینێ ئه‌رکدار بوو.
ناڤبووری ژ مالباته‌كا كورد په‌روه‌ر بوو، له‌وما جهێ وی د ناڤا رێخستنا په‌كه‌كێ دا نه‌ما و وی باجا وه‌لاتپارێزییا مالباتا خۆ دا، ئه‌و ب ده‌ستێ پارتییا خوه یا نه نه‌ته‌وی هات ته‌سفییه كرن.
ل گۆر پێزانینێن كو ب ده‌ست پێگه‌ها داركا مازی كه‌تینه، هیزێن پاراستنا گه‌ل هه‌په‌گێ پاش كوشتنا «باگه‌ر ئامه‌د»، د داخویانییه‌كا نڤیسكی دا كو ل 7 ئۆكتۆبه‌را سالا 2017ێ پارڤه كربوو راگهاند كو هه‌ڤالرێ یێ وان «باگه‌ر» د چالاكییه‌كێ دا ل دۆربه‌را وانێ ل 23 ئیلۆنا 2017ان شه‌هید كه‌تییه، لێ به‌لێ یا راست په‌كه‌كێ ئه‌و ب سووچا خوه یا كلاسیك «سیخۆرییا ژ بۆ ده‌وله‌تا تركیێ» كوشتییه.
په‌كه‌كێ دیرۆكه‌كه پر درێژ یا ته‌سفییه‌كرنا ولاتپارێزان هه‌یه، گرۆپا ئه‌نقه‌رێ بریارێن ته‌سفییه‌كرنێ دگریت، و به‌را ئه‌نجام دانا ڤان جینایه‌تان، په‌كه‌كه زه‌مینه‌سازیێ ژ بۆ خۆش دكه‌ت و سووچا هه‌رتم تێخه پال كه‌سێن كو ته‌سفییه‌ك دكه‌ت، سیخۆرییا ژ بۆ ده‌وله‌تا تركیێ یه.
باگه‌ر ئامه‌د ناڤێ وی یێ دروست محه‌مه‌د سه‌عید یلدزه، ناڤێ دایكا وی زینه‌ته و مالباتا وی ژ ئامه‌دێ یه، باگه‌ر خوه ب فیدایێ ئاپۆ ددا ناس كرن.
