ئارتهشا تركیێ ئیرۆ دهست ئاڤێت قۆناغا 13ان ژ ئۆپهراسیۆنا ب ناڤێ یلدرم ل دژی پارتییا كاكهرێن كوردستانێ ل باكورێ ولات.
ل گۆر ئاگاهیێن دهستێ مه، ئیرۆ رۆژا پێنجشهمی 15/10/2020ان، پێتر ژ 5 ههزار عهسكهرێن ترك، جاندرمه، پۆلیس و هێزێن ئهولهكاریێ دهست ئاڤێتن قۆناغا 13ان ژ ئۆپهراسیۆنا یلدرم ل دژی چهكدارێن پهكهكێ و یهژا ستارێ ل ههر یێك ژ پارێزگههیێن شرنهخێ، سێرتێ، وان و دهڤهرا ههكاریێ.
ل ڤێ دهربارێ ده، وهزارهتا كارێن ناڤخوه یا تركیێ ئهشكهره كر، ئهڤ ئۆپهراسیۆن ب ئامانجا رێگرتنێ یه ل چالاكیێن رێخستنا پهكهكێ یێن بهری هاتنا وهرزێ زڤستانێ.
تركیێ بهرییا دوو مهها دهست ب ئۆپهراسیۆنا یلدرم ل باكورێ كوردستانێ ل دژی پهكهكێ كرییه، نها قۆناغا وێ ئۆپهراسیۆنێ یا 13ان برێڤه دچه، ل گۆر ئاگاهیێن كو ئارتهشا تركیێ دانه، د قۆناغێن یێك ههیا 12ان ده، ههری كێم 70 چهكدارێن پهكهكێ هاتنه ههدهف كرن، ل همبهر ههپهگه دبێژه گهریلایێن مه د وان ئێریشان ده ب دههان عهسكهر جهزا كرنه.