پەیاما بارزانی ل سەر شەوتاندنا ئالا کوردستانێ

پەیاما سەرۆک بارزانی ل سەر شەوتاندنا ئالا کوردستانێ

سه‌رۆكێ پارتییا ده‌مۆكرات یا كوردستانێ ل سەر ئێریشا ئیرۆ یا ل سەر لقا 5 یا پارتیا پەدەکێ و شەوتاندنا ئاڤاھی و ئالا کوردستانێ پەیامەک بەلاڤ کر و راگەھاند: “ئەڤ ئێریشە پاشکەتیبوون و بێفەرھەنگی و زھنیەتا وێ کۆما شەرخواز نیشانی ھەر کەسێ ددەت”.

پەیاما بارزانی وھایە:

ب ناڤێ خوەدایێ مەزن و دلۆڤان

نووچەیا ئێریشکرنا ل سەر بارەگەھا لقا 5ێ پەدەکێ یا ژ ئالیێ تاقمەکە تێکدەران ڤە گھیشت کو ل ئەنجاما وێ کردارا نەیاسایی دا سڤکایەتیێ ب ئالا پیرۆزا کوردستان و ئالا پەدەکێ ھاتیە کرن.

ب توندترین ئاوایی وێ ئێریشا نەمەردانە شەرمەزار دکین و ل ڤر دا رادگھینین ئەڤ جوورە ئێریش و دەستدرێژی، ب ت ئاوایەکێ پێگەھا کورد و بھایێن بلندێن گەلێ کوردستانێ کێم ناکن، لێ بەلێ ب روونی پاشکەتی و بێ چاندی و ئەقلیەتا وێ تاقما شەرخواز ژ بۆ ھەموو ئالیەکێ زەلال دکە.

ئەم ل بەندا حکوومەتا فەدەرال یا ئیراقێ نە کو رێکارێن پێویست ل بەرامبەر وان ئێریشان ل بەر بگرە، ل ھەمان دەمێ دا ژی تەکەز ل وێ یەکێ دکین ئەوێن بخوازن ئێریشی پەدەکێ بکن و سڤکایەتیێ ب بھایێن گەلێ کوردستانێ بکن، داویێ دا دێ باجا وێ کارێ خوە دن.

مەسعوود بارزانی

17.10.2020