پارتییا كاركهرێن كوردستانێ، ئیرۆ ناسنامهیا 3 گهریلایێن خوه ئهشكهره كر كو ل باكورێ كوردستانێ جانێ خوه ژ دهست دانه.
ههپهگێ بالێ لهشكری یێ پهكهكێ، ئیرۆ رۆژا یهكشهمی 18/10/2020ان د بهیانهكه نڤیسكی ده ناڤێ سێ گهریلایێن خوه ئهشكهره كر كو ل دۆربهرا جۆلهمێرگێ ب دهستێ ئارتهشا تركیێ هاتنه ههدهف كرن.
دهست نیشان كر، ئهڤ گهریلایێن وان ل 9 ئیلۆنا رابووری جانێ خوه ژ دهست دانه و ناڤێن وان ئهڤن: «ئازاد، رۆناهی، دلۆڤان».
ههپهگێ ناڤ و وێنهیێن وان گهریلایێن خوه پارڤهكرنه كو ههرسێ د تهمهنا سنێلهیێ دانه، یێك ژێ ژ رۆژئاڤا كوردستانێ یه.
رهڤاندنا زارۆ و سنێلهیان چاڤكانییا سهرهكه یا پهكهكێ یه ژ بۆ چێكرنا شهرڤانان، وهكه ئهو پرۆباگندایێ دكه ئهڤ زارۆ و سنێله ب كێفا دلێ خوه تهڤلی رهفێن گهریلایان دبن، لێ بهلێ یا راست ئهڤ زارۆ و سنێله هێژان د تهمهنهكا هنده زوو دهنه كو ههیا ناڤێ پهكهكێ و رێبهرێ وێ یێ زیندان كری نزانن ب ئاوایهكی دروست ببێژن.
پهكهكه وهكه ههر جار و چهند جوانهكێ كورد ب دهستێ تركیێ دده كوشتن، د بهیانهكه نڤیسكی ده ناڤ و جهێ شههادهتا وان ئهشكهره دكه، لێ بهلێ تو جاران تهمهنا شهرڤانێن خوه ئهشكهره ناكه ژ بۆ كو سووچا رهڤاندنا زارۆیان ل سهر وان تهسبیت نهبه.