زیندانیێ سیاسی یێ کورد ئاگر بەردا خوە

زیندانیێ سیاسی یێ کورد ئاگر بەردا خوە

یەک ژ زندانیێن سیاسی یێن کورد کو د دەما چەند حەفتەیێن رابووری دا دو جاران مانگرتنا ژ خارنێ راگەهاندبوو، ل زیندانا ئۆرمیێ ئاگر بەردا خوە.

ریخستنا هەنگاو یا مافێن مرۆڤان راگەهاند، ئەڤر رۆژا یەکشەمی 18/10/2020ان عادل موکەرەم، زیندانیێ سیاسی یێ کورد ل زیندانا ناڤەندی یا ئۆرمیێ ل بەر جاڤێن دادوەرێ چاڤدێر و جیگرێ بەرپرسێ زیندانا ئۆرمیێ ئاگر بەردایە خوە.

ل گۆر گۆتنا چاڤکانیەکێ هایدار د ناڤا زندانا ئۆرمیێ دا، لنگێ راستێ یێ عادل موکەرەم گەلەکی سۆتیە.

هاتە زانین ژبەرکو بەرپرسێن زیندانێ سۆزێن ب موکەرەم دایی پشتی مەهەکێ ژ مانگرتنا خارنێ بجی نەئانینە، ناڤبووری خوە سۆتیە.

هەنگاوێ هەر وەها راگەهاند بێ کو برینێن عادل موکەرەم بهێنە تیمارکرن، ب فەرمانا بەرپرسێن زیندانێ ئەو ژ بۆ زیندانا تاکەکەسی هاتیە ڤەگوهاستن.

عادل موکەرم ل 4/10/2020ان وەکو کارڤەدان نیشاندان ل دژی ڤێ یەکێ کو ئەو ب 10 مەهان هاتیە راگرتن د ناڤا زیندانێ دا بێ کو چارەنڤیسا وی بهێتە دیارکرن، لێڤێن خوە دوریبوون و مانگرتن ژ خارنێ راگهاندبوو، پشتی 3 رۆژان و سۆزێن بەرپرسێن گرتیگەهێ ل سەر جێبەجێکرنا داخوازیێن وی، مانگرتن ژ خارنێ ب دوماهی ئینابوو.