به‌رپرسه‌كێ پارتییا كاركه‌رێن كوردستانێ، د ئێریشه‌كه ده‌وله‌تا تركیێ دا ل سینۆرێ خه‌تایێ هاته كوشتن كو د كاته‌گۆرییا ره‌نگ شین یا ده‌وله‌تێ ده داخواز كری بوو.
وه‌زاره‌تا ناڤخۆ یا تركیێ ئیرۆ رۆژا پێنجشه‌می 22/10/2020ان د به‌یانه‌كه نڤیسكی ده ئه‌شكه‌ره كر، «حسێن ئاجار» به‌رپرسێ چالاكیێن په‌كه‌كێ ل قادا دۆرتیۆل یا پارێزگه‌ها خه‌تایێ، د ئێریشه‌كێ ده هاته كوشتن.
ده‌ست نیشان كر، ئاجار د ئێریشه‌كێ ده ل 18/10/2020ان هاتبوو ئه‌نجام دایین ل گه‌ل 3 چه‌كدارێن دن یێ په‌كه‌كێ هاتییه كوشتن.
حسێن ئاجار ب كۆد ناڤێ «دلشه‌ر» به‌را 23 سالان ته‌ڤلی په‌كه‌كێ بوویه، ئه‌ركا ئه‌ندامه‌تییا ده‌سته‌یا برێڤه‌به‌ر یا كارێن مه‌یدانی یێن رێخستنا په‌كه‌كێ ل خه‌تایێ هه‌بوو، ده‌وله‌تا تركیێ ئه‌و خستبوو د كاته‌گۆرییا ره‌نگ شین یا داخوازكرییان ده.
حسێن ئاجار ل سالا 1997ان ل ئێزینا ناڤچه‌یا خه‌تایێ 3 جه‌ندرمه كوشتبوون، هه‌روه‌ها ل سالا 2017ان ل دۆربه‌را قه‌زایا دۆرتیۆل عریفه‌كێ ئارته‌شا تركیێ هه‌ده‌ف كربوو.
