میرزا ئالتۆن: چوونە ناڤ خه‌تا نه‌ته‌وه‌یی دا‌  بۆ من شه‌ره‌فه‌كا گەلەک مه‌زنه‌

میرزا ئالتۆن: چوونە ناڤ خه‌تا نه‌ته‌وه‌یی دا‌  بۆ من شه‌ره‌فه‌كا گەلەک مه‌زنه‌

میرزا ئالتۆن كادرێ به‌رز یێ په‌كه‌كێ كو نها  ژ وێ رێخستنێ ڤه‌قه‌تیایه‌ و گەهشتییه‌ رێزێن پارتییا دیمۆكراتا كوردستانێ په‌ده‌كێ، دبێژیت‌: «چوونە ناڤ خه‌تا نه‌ته‌وه‌یی دا‌، ژ بۆ من شه‌ره‌ف و نامووسا هه‌ری‌ مه‌زنه»‌.

میرزا ئالتۆن، ل ولاتێ ئالمانیایێ سه‌ردانا باره‌گه‌هێ لژنا ناڤچه‌یا په‌ده‌كێ ل باژارێ دوسلدۆرف كر و دجڤینه‌كێ دا كار و ئه‌ركێن پێشه‌رۆژێ یێن گرێدای تێكۆشینا ژ بۆ نه‌ته‌وێ نیقاش كرن.

پاش ڤێ جڤینێ، میرزا ئالتۆن د ئەکوانتا خۆ‌ یا فێسبووكێ وها نڤیساندیه‌: «ب چوونە ناڤ رێزێن پارتی من خۆ گەلەک بەختەوه‌ر دیت، ژ بۆ من چووینا د خەتا نەتەوی دا و ل په‌ی رێبازا سەرۆکێ نەمر جه‌نه‌رال مەلا مستەفا بارزانی، خیرەت، شەرەف و نامووسا ھەری مەزنە».

هه‌روه‌ها دبێژیت‌: هێڤیدارم ئەم ژ ئەڤرۆ پێڤە، ژ بۆ یەک ئارمانج پێکڤە بین و ژ بۆ ڤێ ئارمانجێ بژین.

دهێتە زانین، میرزا ئالتۆن ژ باكورێ كوردستانێ یه‌، ده‌ما 14 سالان ل گه‌ل پەکەکێ بوو و نها گهشتییه‌ رێزێن پارتییا دهیمۆكراتا كوردستانێ ل سنۆرێ ناڤچه‌یا دوسلدۆرف.

میرزا ئالتۆن: چوونە ناڤ خه‌تا نه‌ته‌وه‌یی دا‌  بۆ من شه‌ره‌فه‌كا گەلەک مه‌زنه‌