شاندەکێ پەرلەمانێ کوردستانێ سەرەدانا کۆنسۆلخانەیا فەرەنسایێ کر

شاندەکێ پەرلەمانێ کوردستانێ سەرەدانا کۆنسۆلخانەیا فەرەنسایێ کر

شاندەکێ فەرمی یێ پارلەمانا کوردستانێ سەرەدانا کۆنسۆلخانەیا فەرەنسایێ ل ھەولێرێ کر و تەکەزی ل پشتەڤانیا گەلێ کوردستانێ ژ بۆ فەرەنسایێ کر.

جیگرێ سەرۆکێ پارلەمانا کوردستانێ ھێمن ھەورامی ژ بۆ رۆژنامەڤانان ئاخفت و راگەھاند، “مە لگەل پرانیا فراکسیۆنێن پارلەمانێ کوردستانێ سەرەدانا کۆنسۆلخانەیا فەرەنسایێ ل ھەولێرێ کر، ژ بۆ کو هەلویستا فەرمی یا گەلێ کوردستانێ ژ بۆ فەرەنسایێ زەلال بکەین.”

ھەورامی گۆت: “گەلێ کوردستانێ ل دژی توندووتووژیا فیزیکی و بیرورایا ب ھەموو جورەیێن وێ یە. ئەم شانازیێ ب فرە رەنگیا خوە یا ئۆلی و لێبۆرینا ئۆلی دکەین.”

ھەورامی تەکەز کر کو فەرەنسا ھەر دەم پشتەڤانا دۆزا گەلێ کورد بوو. دەستنیشان کر ژی، دانیال میتران یەکەمین کەس بوو سەردانا کامپێن کوردان کری، دەما کورد دھاتنە ئەنفالکرن و ب چەکێن کیمیاوی دھاتنە کوشتن.

ھەروھا ھێمن ھەورامی دا زانین، فرانسا یەکەم وەلاتێ ئەورۆپی بوو کو دانپێدان ب پارلەمانا کوردستانێ کری.

ئاماژە ب وێ ژی دا، د شەرێ ل دژی داعشێ، سەرۆکێ فەرەنسایێ فرانچۆس هۆلاند یەکەم سەرۆک بوو پەیوەندی ب سەرکرداتیا سیاسی یا ھەرێما کوردسانێ، کری.

ھەروھا گۆت: “پشتی دۆرپێچا کو ژ ئەنجاما رەفەراندوما سەرخوەبوونا کوردستانێ ل سەر ھەرێما کوردستانێ ھاتیە سەپاندن، سەرۆکێ فرانسایێ ئیمانۆئێل ماکرۆن دۆرپێچ شکاند و پێشوازی ل سەرۆک وەزیرێ وی دەمی نێچیرڤان بارزانی و جیگرێ وی قوباد تالەبانی کر.”

ھەورامی دیار کر کو ھەلوەستا شاندا پارلامەنێ ھەلوەستا فەرمی یا گەلێ کوردستانێ یە. ھەروھا تەکەز کر ژی، ھەر هەلویستەک ژ پارلەماتەرەکی یان ئالیەکی دەرکەڤیت، دەربرینا ھەلویستا پارلەمانا کوردستانێ ناکەت.