ئیرانێ 4 گه‌نجێن ئۆرمیێ سێدارەدان

ئیرانێ 4 گه‌نجێن ئۆرمیێ سێدارەدان

4 جوانێن کورد یێن باژارێ ئۆرمیێ ل رۆژھه‌لاتا کوردستانێ ئیرۆ جەزایێ سێداره‌دانێ ل سەر ھات بجهـ ئینان کرن، یەک ژ وان بەرییا بجهئینانا جەزای، داوی ب ژیانا خوە ئینا.

رێخستنا ھەنگاو یا مافێن مرۆڤان ئەشکەرە کر، ئیرۆ رۆژا پێنجشەمیێ 29/10/2020ێ، جەزایێ سێداره‌دانێ ل سەر 4 جوانێن کورد ل زیندانا مەرکەزی یا ئۆرمیێ ھات بجهـ ئینان، یەک ژ وان بەریا بجهـ ئینانا جەزایێ وی، داوی ب ژیانا خوە ئینا.

دەست نیشان کر، ناڤێ وان گه‌نجان ئەڤن: یاسر محەمەدی، زەینال عابدین محەمەدی، عەلی مەلەکی مورتەزا حەیدەر و موسا نەعمانی.

رێخستنا ھەنگاو ئەشکەرە کر کو عەلی مەلەکی کو ئەو ژی جەزایێ سێداره‌دانێ ژ بۆ دەرکەتبوو و بریار بوو ئیرۆ ل گەل ھەڤالێن وی بهێته‌ سێداره‌دان، ل شەڤا دەرباسبوویی د زیندانێ دا ب ئاموورەکێ تیژ داوی ب ژیانا خوە ئینا.

رژێما ئیسلامی یا ئیرانی بەریا 5 سالان ئەڤ 4 گه‌نجه‌ ب توھمەتا کوشتنا ب ئەنقەست دەستەسەر کربوون و ل رۆژێن رابووری ژ بۆ ژوورێن تاکەکەسی ھاتبوو ڤەگوھاستن.