پێشمەرگەیێن کو ئیرۆ ل ناحیا چەمانکێ ژ لایێ پەکەکێ ڤە هاتییە هەدەف کرن، پێشمەرگەیێن ژینگەپارێز بوون و د دەما چوونە سەر کارێ خوە دە ئەو هاتینە هەدەف کرن.
ئیرۆ رۆژا چارشەمی 4/11/2020ان، ل ناڤچەدارییا کانی ماسی یا سەر ب دهۆکێ ڤە چەکدارێن پەکەکێ ئۆتۆمبێلهكا پێشمەرگەیان کو دخواستن بچنە سەر کارێ خوە یێ ژینگەپارێزیێ ب بۆمبەیەک چاندی هەدەف کرن و د ئەنجامێ دا دوو پێشمەرگە بریندار بوون و یهكێ دی شەهید بوو.
چاڤکانیێن پێگەها دارکا مازی ل باشوورێ كوردستانێ راگهاندن کو بەرەڤاژی وێ یەکێ یاکو د مەدیایێن پەکەکێ و ئێکەتیێ دا دهێتە گۆتن پێشمەرگەیێن کو هاتینە هەدەفکرن نە پێشمەرگەیێن زێرەڤانی نە، بەلکو پێشمەرگەیێن ژینگەپارێزن کو دخواستن بچن سەر کارێ خوە.
شەهید کرنا پێشمەرگەیێن ژینگەپارێز د دەمەکی دا یە کو پەکەکە پێتر ژ هەر پارتی و رێخستنەکا دی خوە ب خوەزا پارێز و دوستا ژینگەهێ ددەتە ناساندن.