پەکەکێ دو پۆلیسێن نەفت و گازێ ل ناڤچەیا چەمانکێ بریندارکرن

پەکەکێ دو پۆلیسێن نەفت و گازێ ل ناڤچەیا چەمانکێ بریندارکرن

چاڤکانیێن پێگەها دارکا مازی ل باشوورێ کوردستانێ راگهاند، ئیرۆ ئێڤارێ چەکدارێن پەکەکێ ل ناڤچەیا چەمانکێ ئێریشی سەر هێزەکە پۆلیسێن نەفت و گازێ کر، هات زانین کو ئەو پۆلیس د ئەرکا خوە یا فەرمی دە بوون.

ئەڤ ئێریشا پەکەکێ دوەم  ئێریشە کو د ئیرۆ دە ل سەر سازیێن فەرمی یێن حکوومەتا هەرێما کوردستانێ دە پێک ئانی، ئیرۆ سەرێ سبێ ژی چەکدارێن پەکەکێ بۆمبەیەک چاندی ب ترۆمبێلەکە پێشمەرگەیان دە تەقاند و د ئەنجامدە دو پێشمەرگە بریندار کەتن و یەکە دن ژی شەهید کەت.

ئێریشێن پەکەکێ ل دژی حکوومەتا هەرێما کوردستانێ هەڤدەمن د گەل داخوەیانیێن توند یێن رایەدارێن پەکەکێ ل دژی حکوومەتا هەرێما کوردستانێ.

پوستێن ھەمان بەش