ژ ئامه‌دێ بانگه‌وازیه‌ك ژبۆی په‌كه‌كێ ل ئامێدیێ

ژ ئامه‌دێ بانگه‌وازیه‌ك ژبۆی په‌كه‌كێ ل ئامێدیێ

ل ئامەدێ کۆما دیالۆگێ یا دیجلە- فەراتێ ئێریشێن په‌كه‌كێ ل سەر ھێزێن ئەولەکاریێ یێن ھەرێما کوردستانێ شەرمەزار کر.

موحیەدین باتمانلی ل سەر ناڤێ کۆما دیالۆگێ یا دیجلە – فەراتێ داخویانی دا و ب بیر خست کو په‌كه‌كە د ئێریشان دا پێشمەرگە شەھید کرن.

 دیار کر کو ئەو په‌كه‌كێ شەرمەزار دکه‌ن و وه‌ھا ئاخڤی: «نوکه‌ ل قادا ناڤنەتەوەیی حکوومەتا ھەرێما کوردستانێ ھەیە، دەولەتەک ھەیە، ھەموو جڤاتا ناڤنەتەوەیی و ئیراق ڤێ ناس دکەت، ئامەریکا، ترکیە ناس دکن، چ کارێ وە ھەیە، ھوون ئێریشی پێشمەرگەیێن حکوومەتا ھەرێما کوردسانێ دکه‌ن، ئێدی بەسە، وە گۆشتێ جانێ مە زەر کر، ب ده‌هان ساله‌ هوون ده‌ركه‌تین ته‌نێ زولمێ ل كوردان دكه‌ن.«

هه‌روه‌ها گۆت: «ئەز په‌كه‌كێ شەرمەزار دکه‌م، کەسێن دەنگێ خوە ددن هه‌ده‌پێ و په‌كه‌كێ دڤێت ھشێ خوە ھلدن سەرێ خوە، ئەڤ وھا نابە،  ھوون ب سایا سەرێ کوردان سیاستێ دکن، ل دنیایێ جارا ئەوله‌ هه‌گه‌ر بچووک بە ژی، حکوومەتا ھەرێمی ژ مە را ھاتییە ئاڤاکرن ھوون دچن ئێریشی وێ دکن، ژ بۆ خوەدێ نەکن، ئێدی بەسە، ئەم دبێژن بلا مرۆڤ نەمرن، کورد ژی، ترک ژی، عەرەب ژی نەمرن. بلا چ کەس نەمرە«.