مەزلووم عەبدی پەیامەک ڤەشارتی دا پەکەکێ؟

د ھەڤپەیڤینا ل گەل  Al-Monitor دا فەرماندارێ گشتی یێ قەسەدێ مەزلووم عەبدی بەحسا ئەنەکەسێ، مژارێن د رۆژەڤێ دا، تێکلی یێن ئالۆز یێن د ناڤبەرا کوردان و ھلبژارتنێن سەرۆکاتیا ئەمەریکا گۆتووبێژ کر.

د شەڤا ھلبژارتنێن سەرۆکاتیا  ئەمریکایێ دا، عەبدی ژ  بۆ ئامبەرن زامان پێشکێشکارا Al-Monitor ێ ئاخڤت. ھەڤدیتنێن  د ناڤبەرا پارتیێن کوردی یێن ل رۆژئاڤا دس نرخاند و گۆت: “مە ئیرادەیەک هەڤبەش ب دەست خست و ئەڤە تەمسیلا داخوازێن گەلێ مەیێ رۆژئاڤا دکەت. ھەولدانەک مەزنە، مە رێیەک دوور و درێژ دەرباس کر، لێ نە د ئاستەکی پێتڤی دایە. دانووستاندن ھێدی ھێدی د مەشن” لێ گۆتووبێژ ل گۆری دهێتە خواستن ب لەز برێڤەناچن.

دەربارێ داخازا ئەنەکەسێ یا کو “دەرخستنا کادرێن پەکەکێ  ژ رۆژئاڤا و فەرزکرنا رۆژئاڤا کو خوە برێڤە ببە”، مەزلووم عەبدی گۆت: ھەر کەس دپەژرینە کو دڤێ رۆژئاڤا د ناڤ یەکپارەبوونا ئاخا سووریێ دە ژ ھێلا کوردێن سووریێ ڤە وەرە رێڤە برن. رێڤەبەرییا وێ ژ ھێلا کوردێن سووری ڤە وەرە دامەزراندن، ھەمی بریار ژ ھێلا کوردێن سووری ڤە وەرن گرتن، ئەڤ بریارەنە ب

مەزلووم عەبدی د دەربارێ داخوازێن ئەنەکەسێ ب پەیڤێن بالدار و بژارە ئاخڤت. دییار د بیت کو ئەو و بەشەک ژ ھەڤالێن خوە سەرەرایێ ئاستەنگدارییا پەکەکێ، دخوازن دانووستاندن بەردەوام بن. پەکەکە ژ دەستپێکێ ڤە د پرسگرێکا یەکتیا د ناڤبەرا کوردێن رۆژئاڤا دا دوور سەکنی و گۆت کو ئەو ل دژی ڤان ھەڤدیتنا نە. وەکی دی، پلانا پەکەکێ یا کو رۆژئاڤا ب کادرێن خوە یێن نە رۆژئاڤا ب رێڤە ببەت و کادرێن پەکەکێ بینیتە سەر کار و مەکانزما بریارێن گرنگ  بدەتە دەستێ کادرێن پەکەکێ. دهێتە زانین کو پەکەکە د سازیێن چاپەمەنی، دارایی، پەروەردە، ژن، جوانان، چاڤکانیێن بن ئەرد و دیپلۆماسیێ دا خەباتکارێن خوە ب جیهـ کرنە. گۆتنا مەزلووم عەبدی یا “دڤێت کوردێن سووریێ رۆژئاڤا برێڤە ببەن” پەیامەکە ژ بۆ پەکەکێ ھاتییە کرن.

لێ بەلێ، د ئاخافتنا خوە دا، مەزلووم عەبدی هێشتا ژی ل ھەمبەر پەکەکێ ب ھشیاری ئاخڤت و ژ رەخنەکرنا ئاشکەرا یا پەکەکێ یا دەربارێ رۆژئاڤا دا خوە دوور گرت. ژ لایەکێ دی ڤە، وی ھەبوونا پەکەکێ ل رۆژئاڤا پەژراند. د واتەیەکێ دا، وی پەیامەک دا ھەمی لایەنان، “ل بەندێ نەبن کو ئەم ئاشکەرا، ئاشکەرا بەرسڤا پەکەکێ بدین.

رۆژنامەڤان ئامبەرین زامان گۆت: “لێ ئەنەکسە ئیسرارێ دکەت کو د داخویانییێ دا د دەربارێ پەکەکێ دا خالەک بهێتە نڤیساندن و ھوون وێ قەبوول ناکن.” ما راستە؟ د بەرسڤا ڤێ پرسیارێ دا، مەزلووم عەبدی گۆت: “بەلێ، راستە. نە تەنێ سەبارەت پەکەکێ، بەلکو ئەم ناخوازین د دەربارێ هیچ دامەزراوەیەکێ دا هیچ داخویانی بهێنە دان. وەکو ھێزێن سووریا دیمۆکراتیک، مە ژ ھەر کەسێ ئالیکاری د شەرێ ل دژی داعش و تیرۆرێ ا خواست. ژ پەدەکێ و  ژ ھەر کەسێ. بەری ھەڤدیتنا مەیا دگەل وان دا، ئەز ل گەل شاندەیا ئەنەکەسێ یا ل ھەولێرێ ئاخڤتم. من دیسا ژ بۆ وان شیرۆڤە کر. ئەز باوەر دکەم ئەڤ مژارە دێ هێتە دەرباس کرن.”

د ئاخافتنا خوە دا، مەزلووم عەبدی سەرنج کێشا سەر پرسگرێکا یەکیتییا گشتی یا ناڤبەرا کوردان دا و وەکی سەدەما کو دانووستاندنێن د ناڤبەرا ئەنەکەسێ و پەیەنەدێ دا ژی باندۆرەک نەباش سەر دکەت. عەبدی د ئاخافتنا خوە دا گۆت: “نها د ناڤ کوردان دا ھندەک ناکۆکی ھەنە. ئیرۆ ل کوردستانا ئیراقێ د ناڤبەرا پەکەکێ و پەدەکێ دا ئالۆزی ھەیە. ئەم ناخوازین د ڤێ ئالۆزیێ دا ببینە لایانەک. ئەم وەکی کوردێن سووریێ، وەکی ھێزێن سووریا دیمۆکراتیک، وەکی رێڤەبەریا رۆژئاڤا، نە لایانێ پەدەکێ، نە ژی یێ پەکەکێ دگرین. ئەڤ رەگەزا مە یا بنگەھینە. و ھەر ووسا ژی، ئەم ھەمی یێک فکرین ژ بۆ ژ دەرڤە دەستوەردانا دناڤ کاروبارێن رۆژئاڤا. دەما کو مە ئەڤ بەحس کری، نوونەرێ تایبەتێ ئەمەریکایێ ژ بۆ سووریێ، برێز جێیمس جێفری ھەبوو.

ب تایبەتی د ڤێ ھەیامێ دا کو پەکەکە بانگ ل ھەمی کوردان دکەت کو چالاکی و خوەپێشاندانێن دژی پەدەکێ بکن، ھەلوەستا “بێ ئالی”یا مازلووم عەبدی وەکی فەرماندارێ گشتی یێ قەسەدێ ئەرێنی بوو، لێ نایێ زانین گەلۆ دێ ئەڤ ھەلوەست ژ لایێ هەموو رێڤەبەریا رۆژئاڤا ڤە هێتە قەبوول کرن یان ژی نە. ل ھەمبەر بریارا پەکەکێ یا مەزلووم عەبدی و رۆژئاڤا وەکی بەشەک ژ یەکینەیێن دلسۆزێن خوە دیتن ژ لایێ کارمەندێن ھەرێمی یێن رۆژئاڤا ڤە دبیتە جھێ دلگرانی و نەرازی بوونێ.

ل رۆژئاڤا، هەڤتەریب دگەل رێڤەبەرێن رۆژئاڤا رێڤەبەرێن پەکەکێ ژی ھەنە. د ڤێ رێڤەبەریا هەڤتەریبا پەکەکێ دا، د خەباتێن چاپەمەنی، جوان و ژنان دا، ئەو گەلەک جارا چالاکی و داخویانیێن کو دێ مەزلووم عەبدی و لایەنگرێن وی بێزار کەن دەن. جەمیل باییک د داخویانیا خوە یا ل سەر ستێرک تیڤی یا 8ێ تەباخێ دا ھەلوەست نیشانی داخویانیا مەزلووم عەبدی یا کو گۆت بو “ئەز سپاسیا سەرۆک بارزانی دکەم” دا.  ژ بۆ ئاخافتنێن یەکیتیێ جەمیل بایک گۆت “دڤێت سوپاسیا سەرۆک ئاپۆ بهێتە کرن، ژن و جوان ڤێ قەبوول ناکەن”  پشتی داخویانیا بایک، مەشێن دژی ئەنەکەسێ ل رۆژئاڤا دەست پێ کرن. ھەر چەند ئەنەکسێ ل دژی ڤێ پرسگرێکا رێڤەبەریا هەڤتەریب دەردکەڤەیت ژی، لێ کادرێن ژ کەڤنەشۆپیا پەکەکێ د ناڤ پەیەدێ و تەڤدەمێ دا نە راستی نەرەحەتترن. ژ بەر کو ھەبوونا موفەتیشێن پەکەکێ کارمەندێن ھەرێمی گەلەک عاجز دکەت.

د بن دۆرپێچەک ب ڤی رەنگی دا، گرینگە کو مەزلووم عەبدی مینا پەکەکێ سەرەدەریێ نەکە و وەکە ئالدار خەلیل ژی نەبیتە سەدەم کو ھەڤدیتن پووچ ببن. دبیت کو مەزلووم عەبدی ژ بۆ وێ چەندێ ل ھێڤیا ئەرکدارییەکا ناڤبەینکاریێ ژی  بیت. تەنێ حەسابێن پەکەکێ یێن ل سەر باشوورێ کوردستانێ د ئاستا پلانگێری دا مەزلووم عەبدی دەرباس دکەت. قەنجیا ھەری مەزن یا کو مەزلووم عەبدی ژ بۆ رۆژئاڤا بکەت ئەوە کو بکاریت رێڤەبەرییا هەڤتەریبا ب سەر پەکەکێ ڤە ھلوەشینیت و وەسایەتا پەکەکێ یا کو ھەیی دەرباس بکەت.

ب گشت لینکا راپۆرتا مەزلووم عەبدی ژی ئەڤەیە:

https://www.al-monitor.com/pulse/originals/2020/11/syria-mazlum-kobane-sdf-mediate-pkk-us-election-biden-trump.html