رۆژئاڤا- 120 خیزان ژ کەمپا ھۆلێ دەرکەتن

رۆژئاڤا- 120 خیزان ژ کەمپا ھۆلێ دەرکەتن

120 خێزان خوە ئامادە دکەن داکو ژ کەمپا ھۆلێ دەرکەڤن، پشتی راگەھاندنا دەستپێشخەریا مەجلیسا سووریایا دیمۆکراتیک (مەسەدێ) ئەڤە یەکەمین کاروانە دێ دەرکەڤیت. ئەڤ خیزانە ھەمی ژ ھەرێما دێرازۆرێ نە.

بەری چەند سالان ب سەدەما شەر و پەڤچوونان ژ مالێن خوە دەرکەتن، سەرۆکێ ئەنجومەنا سووریا یا کۆچبەران ددەتە زانین کو تەنێ مالباتێن سووری دێ دەرکەڤن و د دەمێن بهێت ژی دێ هندەک خیزانێن دی دەرکەڤن.

لێ ل لایەکێ دی گەلەک ژ ڤان مالباتان ناخوازن دەرکەڤن، ژ بەر کو مالێن وان ب سەدەما شەری ھاتنە رووخاندن و بێ جھ و وار مانە، یان ژی مالێن وان ل دەڤەرێن د بن دەستھلاتا رژیما سووریێ نە و نەوێرن ڤەگەرن، ژ بەر ڤێ یەکێ دخوازن د کەمپێ دا بمینن حەتا رەوشا دەڤەرێ زەلال ببیت.

د دەما بووری دا ژی ل سەر دەستپێشخەریا رووسپیێن عەشیرەتێن عەرەبان 28 خێزان ژ کەمپێ دەرکەتن و ڤەگەریان ھەرێمێن رەقا، تەپقا و دێرازۆرێ.

515 کەس ژ کەمپا ھۆلێ ل باشوورێ حەسەکێ دەرکەتن و بەرێ خوە دا دەڤەرێن دێرازۆرێ، ل گۆری دەستپێشخەریا مەسەدێ ئەڤە یەکەمین خێزانن دەرکەتن و دەرکەتنا خێزانێن سووری دێ بەردەوام بیت.