خالێن په‌كه‌كێ ل چیایێ گارە هاتنە بۆمبه‌باران كرن

خالێن په‌كه‌كێ ل چیایێ گارە هاتنە بۆمبه‌باران كرن

باله‌فرێن ده‌وله‌تا تركیێ ئیرۆ خالێن چه‌كدارێن په‌كه‌كێ ل باشوورێ كوردستانێ بۆمبه‌باران كرن، ئێریش ل چیایێ گارە هاتییه‌ ئەنجامدان.

ل گۆر چاڤكانیێن پێگه‌ها داركا مازی ل باشوورێ كوردستانێ، ئێڤارا ئیرۆ رۆژا چارشەمبی 18/11/2020ێ، باله‌فرێن جه‌نگی یێن ده‌وله‌تا تركیێ، بنگەهێن چه‌كدارێن په‌كه‌كێ ل چیایێ گارە بۆمبه‌باران كرنه‌، لێ به‌لێ زییان نه‌هاتنه‌ ئا‌شه‌كه‌را كرن.

ئێریش ل دەمژمێر 4:30 ئێڤارێ پێكهاتییه‌ وه‌ختا كو باله‌فران 2 مووشه‌ك ل بنگەهێن پەکەکێ ل رۆژئاڤایێ ئاقارێ گوندێ بێبادێ یێ سەر ب ناڤچەیا چەمانکێ ل چیایێ گارە دای‌.

هەرچەند کو ئێریشێن بەژایی یێن دەولەتا ترکیێ بۆ سەر بنگەهێن پەکەکێ د ناڤا ئاخا هەرێما کوردستانێ دا هاتینە سەکناندن، لێ بەلێ هەیا نها ئێریشێن ئاسیمانی ب رێیا بالەفرێن درۆن و F16 تێن ئەنجام دان و ب ڤێ سەدەمێ زییانەک گەلەک مەزن ب باشوورێ کوردستانێ کەتییە.

ژ بۆ خوە پاراستنێ ژ ڤان ئێریشێن ئاسیمانی، پەکەکێ فەرمان دایە چەکدارێن خوە کو خوە نێزی گوند و باژارۆکان بکەن، داکو بالەفر نەکارن وان هەدەف بکەن، لێ بەلێ ئەڤ یەک بوویە سەدەم کو گوند و باژارۆکێن باشوورێ کوردستانێ ژی بهێن ئارمانجکرن و زرارەک هەری مەزن ب روونشتڤانێن باشوور بکەڤن، لەوما ب بەردەوامی خەلکێ ناڤچەیێ داخوازێ ژ پەکەکێ دکەن ل سینۆرێن وان دەرکەڤن، لێ بەلێ پەکەکە قەت گوهنادەتە داخوازا وان و بەرەڤاژی وان ب سیخور و دووڤەلانکێن ئاردۆگان ب ناڤ دکەت.

پوستێن ھەمان بەش