باله‌فرێن تركیێ په‌كه‌كه ل شكه‌فتێن چیچكا بۆردۆمان كر
باله‌فرێن ده‌وله‌تا تركیێ ئیرۆ حه‌ره‌كه‌تا چه‌كدارێن په‌كه‌كێ ل باشوورێ كوردستانێ بۆردۆمان كرن و مووشه‌ك ل چیایێ گاره‌ی باراندنه.
چاڤكانیێن پێگه‌ها داركا مازی ل باشووێ كوردستانێ ئه‌شكه‌ره كر، ئیرۆ رۆژا پێنجشه‌میێ 19/11/2020ان، باله‌فرێن جه‌نگ یێن ده‌وله‌تا تركیێ ئێریشی نوقته‌یێن په‌كه‌كێ ل سینۆرێ پارێزگه‌هییا دهۆكێ كر، وه‌ختا كو مووشه‌ك ل چیایێ گاره دان.
ده‌ست نیشان كر، ئێریش ل ده‌مژمێر 1:10 خوله‌ك یێ پاش نیڤرۆژێ چێبوویه، باله‌فران د ئێریشێ ده، یه‌ك مووشه‌ك ل جهه‌كێ كو ب شكه‌فتێن چیچكا تێ ناڤ كرن دان، ئه‌ڤ شكه‌فته دكه‌ڤن چیایێ گاره ل هنداڤا گه‌لیێ ئاڤۆكێ یێ باكورێ ناڤچه‌یا چه‌مانكێ.
هه‌ر چه‌ند كو زرارێن ئێریشێ نه‌هاتنه زانین، لێ به‌لێ ل گۆر دیمه‌نێن كو پێگه‌ها مه ب ده‌ست خستنه، دۆمانه‌كه مه‌زن ل جیێ كه‌تنا مووشه‌كا به‌رز ببوو.
