ھوون چیرۆکا حکمەت فیدان دزانن؟

حکمەت فیدان کەسێ کو ل سالا 1978ێ پێڤە خزمەتا پەکەکێ دکر، ل سالا 1980ێ یێ دا ژلایێ دەولەتا ترکیێ ڤە ھاتە دەستەسەر کرن، ژ بەر کو هاریکارییا پەکەکێ کربوو، پراسیێن وی ھاتنە شکاندن، ئیشکەنجەیەک مەزن ب دەستێ دەولەتا ترک دیت، ئەو ل سالێن دەستپێکا 2000ێ سەرۆکێ گشتی یێ هەدەپێ بوو، ل سالا 2005ێ ل ئامەدێ ھاتە تیرۆرکرن.

بکوژێ وی ل ناڤ باژارێ ئامەدێ گوللـەیەک ل پاتکا وی دا و ئەو کوشت، کێ حکمەت فیدان کوشت؟ په‌كه‌كێ، ژ بەر چ؟ ژ بەر کو وی ھندەک رەخنە ل عەبدوللا ئۆجالان گرتبوون.

حکمەت فیدان ژ ھەلوەستا عەبدوللا ئۆجالان یا بەرامبەری دەولەتا ترک رازی نەبوو، پەکەکێ ئەو ھشیار کر لێ بەلێ دیتن کو حکمەت فیدان ژ رەخنە گرتنێ ل ئۆجالان بەردەوامە، ژ بەر ڤێ چەندێ ئەو کوشت، بریارا کوشتنا حکمەت فیدان ژ لایێ موراد قەرەیلان ڤە ھاتبوو دان، موراد قەرەیلان بریارا کوشتنا حکمەت فیدان ژ قەندیلێ هنارتبوو ئامەدێ، حکمەت فیدان پشتی 33 سالان خزمەت بۆ پەکەکێ کری، ب دەستێ پەکەکێ ھاتە کوشتن، ڤێ دەمێ حیزبا پەکەکێ یا ترکیێ ناڤێ وێ دەهاپ بوو.

پەکەکێ خوە بێدەنگ کر و چ داخویانی ل سەر کوشتنا حکمەت فیدان بەلاڤ نەکرن، دەما خەلکی گەلەک نەرازی بوون نیشان دای پشتی 7 رۆژان پەکەکە رابوو داخویانی دا و گۆت: ئەم گەلەک خەمگین بوون کو حکمەت فیدان ھاتییە کوشتن.

بابەتێ حکمەت فیدان وەفا، ئەخلاق و وژدانا پەکەکێ نیشان ددەت، پەکەکە کەسەکێ وەک حکمەت فیدان کو 33 سال ھەڤالبەندێ وێ بوو، ژبەر رەخنەیەکێ کوشت و هەر چەند رەخنە ھاتن خوە بێدەنگ کر، نها پەکەکە ژ بۆی رێڤەبەرێ ئاساییشا سەرزێرێ غازی سالح ئالیخان ژی دبێژیت مە نە کوشت، بەس دیرۆکا پەکەکێ نیشان ددەت کو پەکەکە چەند بێ ویژدان و بێ وەفا و بێ سینۆرە.

کەسێن کو ب راستی باوەری ب ئازادیا فکری و دیمۆکراسیێ ھەبت دبیت راستییا پەکەکێ کو تاک فیکری و یەکدەستیێ دمەشینیت ببینیت.