د ئێریشا شه‌ڤا ده‌رباسبوویی یا په‌كه‌كێ ده ل سه‌ر هێزێن پێشمه‌رگه كو ل سینۆرێ پارێزگه‌هییا دهۆكێ پێكهاتبوو، ئه‌فسه‌ره‌كێ پێشمه‌رگه شه‌هید كه‌تییه، مه‌دیایا په‌كه‌كێ ژی دبێژه: سێ چه‌كدارێن وان بریندار كه‌تنه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، پاش كو ل شه‌ڤا ده‌رباسبوویی چه‌كدارێن په‌كه‌كێ ئێریشی نوقته‌یه‌كا هێزێن پێشمه‌رگه ل سینۆرێ گوندێ ب ناڤێ دێره‌شێ یێ پارێزگه‌هییا دهۆكێ كری، ئه‌فسه‌ره‌كێ هێزێن پێشمه‌رگه ب ناڤێ عه‌بدولره‌حمان ئه‌مین كو پله‌یا میلازم یه‌ك هه‌یه و ژ باكورێ كوردستانێ یه، شه‌هید كه‌تییه.
ئه‌ڤ پێشمه‌رگه ل شه‌ڤا ده‌رباسبوویی ل گوندێ ب ناڤێ سه‌رگه‌لێ یێ گرێدای قه‌زا ئامێدیێ، ب سه‌ده‌ما ئێریشا چه‌كدارێن په‌كه‌كێ ل ده‌ستپێكێ بریندار كه‌تبوو و ئیرۆ 14/12/2020ان جانێ خوه ژ ده‌ست دا و شه‌هید كه‌ت.
عه‌بدولره‌حمان ئه‌مین خه‌لكێ باكورێ كوردستانێ یه و ئیرۆ جه‌سه‌دێ وی، وێ ل گۆرستانه‌كه باژارێ زاخۆ ب ئاخێ وه‌ره سپارتن.
تێ زانین ئه‌ڤ جارا دوویه‌مینه چه‌كدارێن په‌كه‌كێ ل سینۆرێ پارێزگه‌هییا دهۆكێ ئێریشی هێزێن پێشمه‌رگه‌یان دكن، د ئێریشا مه‌ها رابووری یا ناڤچه‌یا چه‌مانكێ ده، پێشمه‌رگه‌یه‌ك شه‌هید كه‌ت و یه‌كێ دن بریندار بوویه.
