دەربارێ ئێریشێن ئالیگرێن په‌كه‌كێ ل سەر وی، نڤیسکارێ ناسکری یێ ترکیێ و دۆستێ گه‌لێ كورد ئیسماییل بەشیکچی گۆتارەک نڤیساند و د وێ گۆتارێ دە دا زانین: «په‌كه‌كه پابەندی یاسایێن ترکیێ یە، لێبەلێ یاسایێن ھەرێما کوردستانێ بنپێ دکە».
ئیسمایل بەشیکچی د گۆتارا خوە یا دوهـ دە دیار کرییە، په‌كه‌كه ل وەلاتێن وەکە ئالمانیا، فرانسا، ھۆلاندا و سوێد، خوە ل گۆر ستاتو و یاسایێن وان دگونجینە، ھەروھا ل جھێن وەکە ئیستانبۆل، ئیزمیر، بۆرسا، ئەدەنا و مێرسینێ ژی، پێوەندییا گەلەک کوردان ب په‌كه‌كێ/كه‌جه‌كێ ھەیە، ل ور ژی ب ئاوایەکی سروشتی په‌كه‌كه پابەندی یاسا و قەوارەیا سیاسییا ترکیێ یە، ھەروھا ل دیاربەکر، وان و باتمانێ ژی ھەمان ھالەت ھەیە.
به‌شیكچی دبێژه: «لێ بەلێ په‌كه‌كه/ كه‌جه‌كه پابەندی یاسا و قەوارەیا حکوومەتا ھەرێما کوردستانێ نابە، دخوازە وێ قەوارەیێ بچووک بکە، بشکینە و گوشارێ بخە سەر حوکمرانییا وێ».
ھەروھا ئیسمایل بەشیکچی دەربارێ دژایەتییا په‌كه‌كێ بەرامبەر خوە و ھەرێما کوردستانێ وھا نڤیساندییە:
»ھەموو کەسێن ب ئێریشان تێن سەر من و رەخنەیان ل من دگرن، ب تەنێ نکارن بێژنه په‌كه‌كێ/كه‌جه‌كێ كو حکوومەتا ھەرێما کوردستانێ قەوارە، یاسایێن تایبەت ھەنە و پێویستە ئەو پابەند بن، ئێریشی سەر پێشمەرگە نەکن، ئێریش نەکنە سەر ئۆفیسێن پارتییا دەمۆکراتا کوردستانێ، ھەروھا نابێژن كانێ چاوا په‌كه‌كه پابەندی یاسایێن دەولەتێن وەکە ئالمانیا، فرانسا، ھۆڵەندا بوویە، پێویسته ل ڤر ژی پابەندی یاسایێن ھەرێما کوردستانێ بە».
