ویلایه‌تێن یه‌كگرتی یێن ئه‌مه‌ریكایێ، 4 مه‌رجان ژ بۆ هێزێن سووریایا ده‌مۆكراتیك ده‌ست نیشان دكه‌ت و ژێره دبێژیت به‌ری بایدن بهێته كۆچكا سپی، پێویسته ئه‌ڤ مه‌رج بهێنه بجهئینان.
ئەندامێ كۆمیتا پەیوەندیێن دەرڤە یێ نوونەراتییا كۆبانی یا ئەنجوومانا نشتیمانی كوردی ل سووریێ ژ بۆ پێگه‌ها سووریا نێت گۆتییه: ئه‌مه‌ریكایێ ژ هه‌سه‌دێ خوا‌ستییه 4 مه‌رجان ژ به‌ری ده‌ست ب كاربوونا جۆ بایدن ب جهـ بینیت، یه‌كه‌م مه‌رج رێككه‌فتنا ل گه‌ل ئه‌نجوومه‌نا نشتیمانییا كوردی یه ل سووریێ، پشتره چێكرنا پێوه‌ندییان دگه‌ل ئێتێلافا سووری.
هه‌روه‌ها ده‌ست نیشان كر، ئه‌مه‌ریكایێ ب هه‌سه‌دێ گۆتییه كو پێویسته هوون ئالۆزیێن ل گه‌ل تركیێ كێم بكه‌ن و داوی مه‌رج ژی خوا‌ستییه په‌ترۆلا ل ژێر ده‌ستێ هه‌سه‌دێ ژ بۆ ناڤچه‌یێن رژێما سووریێ نه‌هێته شاندن.
ئەندامێ كۆمیتا پەیوەندیێن دەرڤە یێ ئه‌نه‌كه‌سێ ئاماژه كر كو ئه‌مه‌ریكایێ ل رۆژێن رابووری ئه‌ڤ 4 مه‌رج ژ بۆ هه‌سه‌دێ دیار كرنه و ژێ خوا‌ست بوو به‌ری ده‌ست ب كار بوونا جۆ بایدن پێویسته بهێنه ب جهـ ئینان.
هێژای گۆتنێ یه، نوونەرێ بەرێ یێ ئه‌مەریکایێ ل سووریێ، جێمس جێفری ل 24 مه‌ها رابووری، هه‌سه‌ده ژ 4 شاشییان ھشیار کربوو و گۆتبوو هه‌گه‌ر هه‌سه‌ده پێوه‌ندییا ل گه‌ل رێخستنا په‌كه‌كێ قوت نه‌كه‌ت، دێ ئه‌ڤ یه‌ك بیته سه‌ده‌ما ژ ناڤبرنا وێ.
جێفری ئه‌ڤ یێك د گۆتارەکێ دا ل ناڤەندا لێکۆلینێ یا وێلسۆن ل واشنگتۆنێ کو ئەو نھا سەرۆکێ بەرنامەیا ئاسیایا رۆژئاڤایە ل وێ ده‌رێ، گۆتبوو.
