PC (ML) پارتیا کۆمونیستا کۆمارا دۆمینیکی (مارکسیست-لینینیست)
PCR-U پارتیا کۆمونیستا شۆرەشگەرا ئوروگوای
یەکیتیا گەلێن کامەروونا UPC-Manidem مانیفەستۆیا نەتەوەیی یا دەمۆکراسیێ.
ڤان رێخستنان دیار کرن کو ”ژ زینێ وەرتێ و هێڤە، پارتی دەمۆکراتی کوردستان ئێریشی پەکەکێ دکەت. و پەیمانا شنگالێ یا د ناڤبەرا بەغدا و ھەولێرێ دا ژی، ل دژی پەکەکێ ھاتییە چێکرن، و ھەلوەستا پەدەکێ بوو کو شەرێ ناڤخوەیی د ناڤ کوردان دا دروست بکەت”. ژ بلی ناڤەرۆکا ڤالا یا داخویانییێ، ژ بۆ رێخستنێن کو چ سوودەک ژ بۆ گەلێ خوە ژی نەبوونە، د سیاسەتا راست دا بێ رامانە، یێن کو نەشێن خوە ل وەلاتێن خوە بلڤینن، نەشێن بێژنە کوردان کا چ تشت راستە چ نەراستە. لێ ئەز دشێم بێژم ژ لایەکێ ڤە مژارەکا بالکێشە کو ئەڤ رێخستنە ب ڤی رادەی پارتی و باشوورێ کوردستانێ دشۆپینن، ئەڤە ب خوە مژارەکا گەلەک بالکێشە. بێ گومان، ئەڤ پارتی ژی نزانن ئەڤ داخویانیە ل سەر چییە. یا راست ئەڤەیە کو ھەر یەک ژ ڤان پارتیان پارتیەکا ڤەدەرە، کۆمێن پچووکن کو ھەژمارا ئەندامێن وان ژ تبلێن دو دەستان زێدەتر نابن. و ل دەرڤەیی وەلاتێن خوە وەکو گروپێن بچووک دژین. خوە ئەم وانا وەکی گرووپێن ھەڤالان، نە حیزبان دزانین. ئەڤە و ل جیھانێ دا ھندەک گرووپێن وەکو ڤانا لسەر مەدیایا جڤاکی پرانی دبنە ئەندامێن کۆمان. پەکەکە ب رێکا ھندەک کادر و رێخستنێن خوە وان کەس و گرووپا دکەنە ئەندامێن ڤان کۆمان. پەکەکە ب ڤان کۆمان بێ سنۆر دخوازیت دژمناتیا باشوورێ کوردستانێ بکەت. ژ بۆ ناڤونیشانا گشتی نڤیسەکێ فرێدکەت و ئیمزا دکەت ئەو کۆم ژی بەلاڤ دکەن.
ب ڤی رەنگی، پەکەک ھەول ددەت کو ژ ڤێ یەکێ نووچەیان بەرھەڤ بکەت. وەکی دی، ئەڤ پارتیێن کو ئەندامتیا وان ژ تبلێن دەستەکێ دەرباس نابن، نە کوردستانێ ناس دکەن، نە ژی پەدەکێ و نە ژی دزانن زینێ وەرتێ ل کوڤە یە. وەکی دی، ھەر چەند ئەو بزانن ل کیڤەیە ژی، دیارە کو پارتیێن خوەدان سەنگەک سیاسی یا هندە ڤەدەر ژ بۆ کوردان نابنە ناڤونیشانا چارەسەریێ. وەرە، مە ئەڤە دەرباس کر، زۆر یا بێ رامانە پرسگرێکەکا وەکی پرسگرێکا کوردا کو د ئاستا ھەرێمی دا ژی کەس نەشێت چارەسەر بکەت، ئەڤ رێخستنێن ڤەدەر ژ جیھانێ یێن وەکو ل پەراڤا فلدیشی، بەنگلادش و کامیروونێ بشێن چارەسەر بکەن. پرسگرێکا کوردا هندە یا مەزنە کو ب سیاسەتا پەکەکێ یا خاز-خازووکی یا ئیمزایا ڤە ناهێتە چارەسەر کرن.
مەسەلا دلشاد بارزانی و خەباتا پەکەکێ یا ئەورۆپا
بێ گومان؛ دژمناتیا سۆندخواری یا پەکەکێ ل دژی پارتی تەنێ ب رێخستنێن چەپێن ڤەدەر ڤە سنۆردار نینە. پەکەکە د ھەر دەلیڤەیەکێ دا سیاسەتا خوە دوبارە دکەت. ب تایبەتی، ئەو ل دژی باشوورێ کوردستانێ و پەدەکێ ل سەرانسەری ئەورۆپا دژمناھییەکە تووند دکەت. ئەو ھەول ددەت کو جیھەکی ژ بۆ خوە چێکەت و ھەول ددەت کو بەرخوەدانا گەلێ کورد یا ل رۆژئاڤا بکەتە ملکێ پارتییا خوە ب تەنێ. ئەو کانالێن کو ب رێیا رۆژئاڤا ژ بۆ گەلێ کورد ھاتنە ڤەکرن ژ بۆ بەرژەوەندیێن پارتییا خوە بکار تینیت، نە ژ بۆ گەلێ کورد. ئەم دکارین بێژین کو مژارا ئاخافتنا یەکێ یا ھەر پەرلەمانتەر، سیاسەتمەدار، نڤیسکار و هتد.. یێ پەکەکێ دژبەرییا پارتی و بارزانی و باشوورێ کوردستانێ یە.
ئەڤ بوویەرێن ھەری داوییێ ب نڤیسەکێ کو کۆڤارا Focus د ھەژمارا خوە یا ژمارە 40 یا سالا 2020ێ دا د دەربارێ دلشاد بارزانی دا بەلاڤکری دەرکەت. کۆڤارا Focus ئیدیعا کر کو دلشاد بارزانی کارێ پارەیێ رەش دکەت و دو کەسان دکوژیت. دلشاد بارزانی بوویەر برە بەر دەرگەھێ دادگەھێ. دادگەھ د مەھێن داویێ دا ھاتە ئەنجامدان و ھاتە زانین کو نووچە نە راستە. د ئەنجامێ دا، کۆڤارا Focus گۆتار د مالپەرێ خوە دا ژێبر و لێبۆرین خواست و سەرنڤیسەرێ کۆڤارێ رۆبەرت سچنەدەر سەرەدانا دلشاد بارزانی کر، و دیار کر کو چاڤکانیێن وان زانیارێن درەو دەربارێ بوویەرێ دانە کۆڤارا Focus و ب ناڤێ کۆڤارێ لێبۆرین ژ دلشاد بارزانی خواست.
گەلۆ کێ ئەڤ زانیاریێن درەو گەهاندینە کۆڤارا Focus. پەیاما کورد راگەھاند کو کەسێن زانیاری دای؛ کورێ فەرماندارەکێ دوھۆکێ یێ سەردەمێ سەدام و پەرلەمانتارەکا پارتییا چەپ یا ئەلمانیا ب ناڤێ سەڤم داگدەلەن بوونە. سەڤم داگدەلەن ژنەکا نێزیکی پەکەکێ یە. قاتە کورێ کەڤنە جاشەکێ دوھۆکی و پەرلەمانتارەکا پارتیا چەپا ئەلمانیا بوون. سەڤم داگدەلەن ل ئەورۆپا، ب پشتگریا پەکەکێ وەک پەرلەمانتەر ھاتە ھەلبژارتن. ئەو ب ڤی کارێ خوە د ئێک دەم دا دلسۆزی و سپاسیا خوە پێشکێشی پەکەکێ دکەت. ژ بەر کو گەر سەڤم داگدەلەن ھەلوەستەکا دلپاک هەبایە و وەزیفەیا خوە ل دژی جینایەتان جێبەجێ کربا، ئەو دا بەری ھەر تشتی ل دژی پرسگرێکا غازی سالح ئالیخان کو د 8ێ چریێ دا ل بەر چاڤێن زارۆکێن خوە ژ لایێ پەکەکێ ڤە ھاتە تیرۆرکرن کار کەت. داگدەلەن ب فەرمانا رێبەرێن پەکەکێ دلشاد بارزانی ئارمانج کر.
پەکەکە ل دەردۆرا براتیا چەند کۆمێن چەپ یاریەکا گەلەک ب مەترسی ل دژی کوردا ب رێڤە دبەت. ژ ڤێ براتییێ هیچ ئەنجامەک نادەرکەڤیت، لێ ھەر وەکی کو گۆتنەکا مەزنا دبێژیت، “مێش پچووکە لێ دلێ مرۆڤی رادکەت”. دژمناتیا پەکەکێ ل باشوورێ کوردستانێ د بن ناڤێ دژمناتیا پارتی دا ژی مژارەکا پچووکە، لێ دلێ مرۆڤی رادکەت. پێویستە رەوشەنبیرێن کورد دژی ڤێ سیاسەتا پەکەکێ راوەستن. رەوشەنبیرێن کورد دڤێت ب حەساسیەت نێزیکێ ڤێ قادا کو ژ لایێ پەکەکێ ڤە ھاتیە ئیستیسمار کرن ببن و ل دژی ڤێسیاسەتا خازخازوکییا پەکەکێ راوەستن.
