ل گۆر ئاژانسا ئهنادۆلێ یا دهولهتا تركیێ، ههر یێك ژ «دۆغان گێچگهل» ب كۆد ناڤێ «مهركهز بۆتان» و «عوسمان ئاجهر» یێ ب كۆد ناڤێ «شهرڤان كۆركماز» د هێرشا گارهی دا وهك ئێخسیر كهتینه دهستێ ئارتێشا تركیێ، ئهڤ ههردوو چهكدارێن پهكهكێ دانپێدان كرنه و باس ل بوویهرا كوشتنا 13 دیلان كرنه.
هێژای گۆتنێ یه، ل دهربارا 13 دیلێن كو ل گارهی هاتنه كوشتن، رێخستنا پهكهكێ دبێژیت: ئارتێشا تركیێ ئهو قهتل كرنه وهختا كو زانی ئهو نكاریت وان رزگار بكهت، ههموهخت دهولهتا ترك ژی دبێژیت پهكهكێ ئهو ب ئاوایهكی هۆڤ قهتل كرنه.
چهكدارێ ب دیل گرتی یێ پهكهكێ «مهركهز بۆتان» باس ل بوویهرێ دكه و وهها ئاخڤییه:
فهرماندارێ گارهی یێ پهكهكێ ب ناڤێ «جومعه بیلكی» فهرمانا قهتل كرنا دیلان ب كهسهكێ دی دا كو كۆد ناڤێ وی «سۆرێژه» و گۆت: جومعه ژ سۆرێژ را گۆت: ههگهر ئۆپهراسیۆن ل جهێ ئێخسیر لێ هات ئهنجام دان، نابیت چ ئێخسیرهك ب ساغی ژ ڤێر بچیت، نابیت رادهستی مالباتێن وان بهێته كرن، وان قهتل بكهن.
ههروها دبێژیت: ئهڤ دیل د ناڤا شكهفتێ دا هاتنه قهتل كرن و ههر یهك ژ وان گوللـهیهك ل سهری خستن.
