ئیرۆ سالڤەگەرا پەیمانا بدەستخستنا مافێن گه‌لێ باشوورێ کوردستانێ یە

ئیرۆ سالڤەگەرا پەیمانا بدەستخستنا مافێن گه‌لێ باشوورێ کوردستانێ یە

ئیرۆ سالڤەگەرا رێکكەفتنا دیرۆکییا 11ێ ئادارێ یە کو د ناڤبەرا رێبەرێ تەڤگەرا رزگاریخوازییا گەلێ کوردستانێ مستەفا بارزانی و حکوومەتا بەرێ یا ئیراقێ دا ھاتییە ئیمزا کرن، ئەڤ پەیمان، پەیمانا بدەستخستنا مافێن کوردێن ل ئیراقێ و باشوورێ کوردستانێ بوو.

رێبەرێ تەڤگەرا رزگاریخوازییا گەلێ کوردستانێ مستەفا بارزانی، رۆژا 11/3/1961ێ دا، دەست ب شۆرەشا ئیلۆنێ یا گەلێ کوردستانێ، ل دژی رژێما ئیراقێ و ژ بۆ بدەستخستنا مافێن گەلێ کوردستانێ کر.

ئەڤ پەیمان دەستکەفتەکێ گرنگ یێ شۆرەشا ئیلۆنێ یه‌، بەرھەما چەندین سالێن خەبات و خوەراگری و قوربانیدانا گەلێ کوردستانی ژ بۆی مافێن خوە یێن رەوا بوو.

گرنگییا پەیمانا 11ێ ئادارێ

ئارمانجا شۆرەشا ئیلۆنێ یا مەزن بدەستخستنا ئۆتۆنۆمییا کوردستانێ بوو، پشتی 9 سالان خەباتا شۆرەشگەری یا سەرانسەرێ باشوورێ کوردستانێ، حکوومەتا وێ دەمێ یا ئیراقێ ناچار مابوو کو مافێن گەلێ کوردستانێ ناس بکەت

پەیمانا 11ێ ئادارێ، ژ بلی کو ئەو بەلگەیەکا گرنگا فەرمی بوو ژ بۆ مکورھاتنا حکوومەتا ئیراقێ ب مافێن سیاسی، ئیداری و چاندی یێن گەلێ کوردستانێ و شۆرەشا وێ یا سەرخوەبوونخواز بوو، وەک خەباتەکا رەوا خوەدی پەیام و ئارمانجێن نشتمانی یێن دروست، بەلگەیا ئاشتیخوازی و لێبۆرینا گەلێ کوردستانێ و سەرکرداتییا شۆرەشا وێ بوو، کو ھەر دەم دیالۆگ و رێکەفتن ب حکوومەتێن ئیراقی را بژاردەیا وێ یا سەرەکە یە.

ئارمانجا شۆرەشا ئیلۆنێ یا مەزن بدەستخستنا ئۆتۆنۆمییا کوردستانێ بوو، پشتی 9 سالان خەباتا شۆرەشگەری یا سەرانسەرێ باشوورێ کوردستانێ، حکوومەتا وێ دەمێ یا ئیراقێ ناچار مابوو کو مافێن گەلێ کوردستانێ ناس بکەت و خوەسەری و ئۆتۆنۆمییا باشوور کوردستانێ ب رێکەفتنا دیرۆکی یا 11ێ ئادارێ 1970 یا د ناڤبەرا رێبەرێ شۆرەشێ مەلا مستەفا بارزانی و رژێما ئیراقێ دا ھاتییە ئیمزا کرن.

پشتی رێکەفتنێ 4 سالان، حکوومەتا ئیراقێ گاڤ ب گاڤ بنپێکرن د رێکەفتنێ دا پێک ئانی و ل گەل رێکەفتنا جەزایرێ یا 16/3/1975ێ ڤە، رێکەفتن ب داوی بوو.