رووسیایێ میلیشیایێن ئیرانێ ژ زەڤیێن پەترۆل و گازێ یێن سووریێ دەرخستن

رووسیایێ میلیشیایێن ئیرانێ ژ زەڤیێن پەترۆل و گازێ یێن سووریێ دەرخستن

ھاتە راگھاندن کو رووسیا میلیشیایێن گرێدایی ئیرانێ ژ دو بیرێن پەترۆل و گازێ یێن ل گوندەوارێ رەقایێ دەرخستن.

ل گۆری راگھاندنا چاڤکانیێن دەڤەرێ، ھێزێن فەیلەقا 5یا سەر ب رووسیا ڤە دۆھی دەست دانا سەر زەڤیێن سەورە یێن پەترۆلێ ل باشوورێ رۆژئاڤایێ رەقایێ پشتی کو میلیشیایێن فاتموون یێن گرێدایی سوپایا پاسدارێن ئیرانێ ژ وێ دەرێ ڤەکشیان.

رووسیایێ بەری نھا ژی دەست دانابوو سەر ھەر دو زەڤیێن گازێ یێن توینان ل ناڤچەیا تەبقا ل گوندەوارێ رەقایێ کو نێزیکی سنۆری ئیداری یێ پارێزگەھا حومسێ یە.

زەڤیێن سەورە رۆژانە نێزیکی 2 ھەزار بەرمیلێن پەترۆلێ بەرھەم تینیت کو د سالا 2010ێ دا ئەڤ رێژە 6 ھەزار بەرمیل بوو.

زەڤیێن توینان یێن گازێ ژی نھا رۆژانە نێزیکی 3 ملیۆن مەترێن سێجا گازا پاقژ و 60 تۆن گازا مالان بەرھەم تینیت.

زەڤیێن پەترۆل و گازێ ب گشتی ل ھەر دو پارێزگەھێن حەسەکێ و دێرەزۆرێ نە کو زەڤیێن رمێلان ل حەسەکێ، عۆمەر و تەنەک ل دێرەزۆرێ د بن کۆنترۆلا ھێزێن سووریا دەمۆکراتیک (ھەسەدێ) دا نە.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری