بەری 74 سالان 31 ئادارا 1947ێ «پێشەوا قازی محهمهد» و ھەردوو برایێن وی، «سەدری قازی و سەیفی قازی» ژ ئالیێ داگیرکەرێن عەجەم ڤە ھاتن دار ڤەکرن.
گونەھا وان، خەبات و تێکۆشینا ئازادییا مللەتێ کورد بوو، ئانكو سهركرداتیكرنا کۆمارا یەکەم یا کوردستانێ ب ناڤێ کۆمارا کوردستان كو پایتەختا وێ ماھاباد بوو.
ئەو کۆمار، ژ بەری دارڤەکرنا پێشەوا و ھەردوو برایێن وی ب سالەکێ ھاتبوو دامەزراندن و ژ نشكهكێ ڤه بوو قوربانییا تهخمینا سیاسەتا ناڤدەولەتی و ھەر تشت بداوی ھات.
ئەو وەلاتێن کو ب سلۆگانا، «دۆست و کەسێن کارکەر، خەباتکار و مللەتێن بندەست» تەڤ د گەرییان، کۆمارا کوردستان ب پەیمانا «کۆمەلگەھا پەترۆلێ یا یەکیتییا سۆڤیەت و ئیرانێ» تەرکاندن.
ل گۆر وێ پەیمانێ یەکیتییا سۆڤیەتێ بۆ دهما 52 سالان بوو خوەدییا ئەنەرژیێن کوردستانێ، بێ پوول و پەرە.
پێشەوا قازی و یێن پێرە ژی کەتن ناڤ رووپەلێن زێرینیێن دیرۆکێ دا
تشتێ سەیر ل ڤێ دەرێ ھەلوەستا چەپ و کۆمونستێن کوردان بوو.
سەرۆکێ نەمر «گهنهرال مستهفا بارزانی» ب ھێزەکا مەزن د پاراستنا کۆمارێ دا جھ گرتبوو
یا ھەری گرینگ، «کۆمارا کوردستان» بوو سەدەما ب ھەڤرە کار کرنا کوردێن پارچەیێن دن یێن سەرانسەرێ کوردستانێ، کورد، ژ باشوور، باکور و رۆژئاڤایێ کوردستانێ ب بەشداربوون یان ژی ب پشتەڤانیێ د دامەزراندنا کۆمارا کوردستانێ دا جھێ خوە گرتبوون.
سەرۆکێ نەمر «گهنهرال مستهفا بارزانی» ب ھێزەکا مەزن د پاراستنا کۆمارێ دا جھ گرتبوو.
ب ڤی ئاوایی ب ھەڤرە کار کرنا کوردێن ژ ھەموو پارچەیێن دی دەست پێ کر کو ئەڤ ژی رۆژ ب رۆژ بھێزتر دبیت.
دۆزا مللەتێ کورد، ل سەر وان بەرھەمێن ھان رۆژ ب رۆژ ل سەرانسەرێ کوردستانێ بەلاڤ دبیت و کوردان دکەته خودان دەستکەفتیێن مەزن.
د داویێ دا، ئەز د سالڤەگەرا دارڤەکرنا 74ێ یا پێشەوا قازی محهمهد و ھەڤالێن وی دا سەرێ خوە ل بەر وان دتەوینم و گۆتنا وی دوبارە دکم، کو د رۆژا مە دا ژی راستییا خوە دپارێزیت:
«باوەریا خوە ب دژمنێن خوە، ب تایبەتی ژی ب عەجەمان نەیینن، ژ بەر کو عەجەم ژ چەند ئالییان ڤە دژمنێ وە یە، ئەو دژمنێ دینێ وە، نشتیمان و داگیرکەرێ ئاخا وەیە، دیرۆکێ نیشان دایە کو ئەو تم و تم ل بهھانەیان دگەرن، د تاوانێن ھەری پچووک دا ژی کوردان دکوژن، ئەو دکارن ل ھەمبەر کوردان ھەموو جورە تاوانان بکار بینن».
