رژێما ئیرانێ سبه‌ دێ 6 گرتیێن كورد سێداره‌ ده‌ت

رژێما ئیرانێ سبه‌ دێ 6 گرتیێن كورد سێداره‌ ده‌ت

ره‌ژیما ئیرانێ ئاماده‌كارییا سێداره‌دانا 6 گرتیێن كورد دكه‌ت، ئیرۆ‌ ئه‌ڤ 6 گرتی ڤه‌گوهاستنه‌ ژوورێن تاكه‌ كه‌سی ل زیندانا ئورمیێ و سبه‌ ئه‌ڤ جه‌زا دێ هێته‌ جی ب جی كرن.

رێخستنا هه‌نگاو یا مافێن مرۆڤان ئه‌شكه‌ره‌ كر، 6 گرتیێن كورد ل زیندانا ئورمیێ یا رۆژهلاتا كوردستانێ، ئیرۆ رۆژا شه‌می 3/4/2021ێ ژ بۆی ژوورێن تاكه‌ كه‌سی هاتنه‌ ڤه‌گوهاستن، ئه‌ڤ ژی قووناغا پێشی جی ب جی كرنا جه‌زایێ دارڤه‌كرنێ یه‌.

رێخستنا هه‌نگاو دبێژه‌: ئه‌ڤ 6 زیندانی ب جینایه‌تا بازرگانی كرنێ ب مادده‌یێن هشبه‌رێ هاتنه‌ مه‌حكه‌مه‌ كرن.

رێخستنا هه‌نگاو ناسنامه‌یا ڤان 6 گرتییان ئه‌شكه‌ره‌ كرییه‌ و ناڤێن وان وهانه‌:

«میر سولتان ئەمیری، سادق مەحی، مستەفا نەسیرخا، ئەحمەد نێعمەت وەند، محەمەد کەریم محەمەدپوور و ئیبراهین نەسیرخا».

ده‌ستهلاتا ئیرانێ مالباتێن ڤان 6 گرتییان هایدار كرنه‌ كو جه‌زا سبه‌ رۆژا ئێكشه‌مبیێ 4/4/2021ێ دێ هێته‌ جی ب جی كرن.