په‌رله‌مانتارێ هەدەپێ ئەحمەد یلدرم ژ بۆ رۆژئاڤا کوردستانێ چ دبێژیت؟

په‌رله‌مانتارێ هەدەپێ ئەحمەد یلدرم ژ بۆ رۆژئاڤا کوردستانێ چ دبێژیت؟

ھەردوو په‌رله‌مانتارێن هه‌ده‌پێ، لەیلا گۆڤەن و ئەحمەد یلدرم كۆنگره‌یه‌كێ رۆژنامه‌ڤانی ساز کر، رۆژنامەڤانەکی کورد ژ ئه‌حمه‌د یلدرم پرسی: «ل سەر رۆژئاڤا خەته‌ری ھەیە یان نه؟» ئه‌حمه‌د یلدم بەرسڤێ ب نیڤی ددەت و پاش باس ل هنده‌ك پرسێن تەڤلیهەڤ و دۆر ژ پرسیارێ دکەت.

د كۆنگره‌یه‌كێ رۆژنامه‌ڤانی دا، ئه‌حمه‌د یلدرم راستییا ئایدۆلۆژییا پەکەکێ به‌رچاڤی هه‌ر کوردەکی كر و ده‌مێ گۆتی: «نابیت ب چ رۆژئاڤایێ کوردستانێ ب رۆژئاڤا بهێته‌ ناڤ كرن، ژ بەر کو نها ل وێرێ فیدراسیۆنه‌ك هەیە و ناڤێ وێرێ بۆ باکورێ سووریێ هاتییه‌ گوهارتن و ئه‌ڤ یه‌ك هاتییه‌ قه‌بوول كرن».

ئه‌حمه‌د یلدرم هه‌روه‌ها راگه‌هاند، نها هێزەک ب تنێ وێرێ برێڤه‌ نابه‌ت، بەلکو هێزێن سووریایا ده‌مۆكراتیك وێرێ برێڤە دبه‌ن، تنێ رێخستنه‌ك د ڤێ هێزێ دا نینه‌، نەتەوەیەک ب تنێ ژی نینە، د ناڤا ڤێ هێزێ دا کورد، عەرەب، ئەرمەن و سریانی هەنە، هەر کەسێ کو بخوازیت دشێت ل باکورێ سووریێ تەڤلی ڤێ هێزا دەمۆکراتیک ببیت، ئەز باوەرم ده‌رگه‌هـێ ڤێ چه‌ندێ ڤه‌كرییه‌.

د بەشەکێ دی یێ ئاخفتنا خوە دا ئه‌حمه‌د یلدرم راگه‌هاند، هەر کەس دشێت ل گۆری ئیرادەیا کورد، عەرەب سریان و ئەرمەنان ل باکورێ سووریێ ب خودان ده‌ركه‌ڤیت و وێرێ بپارێزیت، لێ پێدڤییه‌ هەر کەس ل گۆری وێ پەیمانا د نێڤبەرا گەلان دا دروست بووی کار بکەت و تەڤلی ڤێ هێزێ ببیت، دبیت ل سه‌ر ڤی بنگه‌هی پێشمەرگەیێن رۆژ ژی تەڤلی ڤێ هێزێ ببن و باکورێ سووریێ بپارێزن.

یا کو ئه‌حمه‌د یلدرم باس دکەت، ستراتیژییا «براتییا گەلانە» ئه‌و ستراتیژییا کو ل ئیمرالیێ ب دەستێ ئۆجالان و میتا ترکان ژ بۆ دوور ئێخستنا کوردان ژ نشتیمانپەروەریێ و هزرێن ئازادکرنا کوردستانێ هاتییە دروست کرن، براتییا کو تێدا کورد وەک کۆلە دهێنه‌ دیتن.

 ل سەر ڤی بنگه‌هی ژی وەک دهێته‌ زانین ب چ ئاوایی پێشمەرگە بەشداری چ هێزێن ب ڤی ئاوایی نابیت، ژ بەر کو هەر کەس دزانیت پێشمەرگە ژ بۆ ئازادییا کورد و کوردستانێ هاتییە وجودێ، پێشمەرگە ژ بۆ ئازادییا کوردستانێ نه‌بیت ژ بۆ چ کار و ئەجێندایەکا دی خەباتێ ناکەت، هەر ئەڤە کو بوویە سەدەم رێ ب پێشمەرگەیێن رۆژ نه‌هێته‌ دان ڤەگەرن رۆژئاڤایێ کوردستانێ، ژ بەر کو هەم پەکەکە و هەم دەولەتێن ب رێیا پەکەکێ پێشیێ ل ڤەگەرا پێشمەرگەیێن رۆژ دگرن، ڤێ راستیێ باش دزانن.

ب ڤێ داخویانییا ئه‌حمه‌د یلدرم، راستییا ئایدۆلۆژییا گەنی یا پەکەکێ ل هەر چار پارچەیێن کوردستانێ دهێته‌ دیتن، گەر ئه‌حمه‌د یلدرم و پەکەکە راست دبێژن و هنده‌ك وێرەک و دلسۆز بن، بلا ژ کەرەما خوە بێژن پیدڤییە ناڤێ ترکیێ بهێته‌ گوهارتن، ژ بەر کو ترکیە ب واتایا ئەردێ ترکان دهێت و ل ترکیێ نەتەوەیێن دی یێن وەک کورد و هنده‌ك نەتەوەیێن دی ژی هەنە.

پوستێن ھەمان بەش