كێفا په‌كه‌كێ ب ئێریشا سه‌ر هه‌ولێرێ هاتییه‌

كێفا په‌كه‌كێ ب ئێریشا سه‌ر هه‌ولێرێ هاتییه‌

ل شه‌ڤا ده‌رباسبوویی ئێریشه‌ك ب رۆكه‌تان ل سه‌ر هه‌ولێرێ پێكهات، باله‌فرخانه‌یا ناڤنه‌ته‌وه‌ی هه‌ده‌ف بوو، ئێریش پاش ده‌رباسبوونا دوو مه‌هان ل سه‌ر ئێریشه‌كه‌ هه‌مئاوا تێ، وه‌ختا  كو ل شوباتا ئیسالێ هه‌ولێر ب 14 رۆكه‌تان هاتییه‌ هه‌ده‌ف كرن.

په‌كه‌كه‌ د گوهێ گای ده‌ د خه‌و ده‌ یه‌

ئێریشا شه‌ڤا ده‌رباسبوویی یا سه‌ر هه‌ولێرا پایته‌ختا باشوورێ كوردستانێ، هه‌ر د ساعه‌تێن یه‌كه‌م ده‌ ل ئیراقێ، ناڤچه‌یێ و دنیایێ ده‌نگ ڤه‌دا، داخویانی ژ ده‌وله‌ت و سازیێن ناڤنه‌ته‌وه‌یی هاتن دایین و ئێریش شه‌رمه‌زار كرن، لێ به‌لێ رێخستنا په‌كه‌كێ تو تشته‌ك د مه‌دیایا خوه‌ ده‌ ل سه‌ر ئێریشێ نه‌گۆت، هه‌ر وه‌كه‌ ئه‌و د گوهێ گای ده‌ یان د بنێ بیره‌كێ ده‌ رازایه‌ و ئاگاهییا وێ ژ بوویه‌رێن سه‌ر عه‌ردی تونه‌یه‌.

ئاژانسا ANFێ كو زمان حالێ فه‌رمی یێ رێخستنا په‌كه‌كێ یه‌، نووچه‌یه‌ك كو ژ دوو رێزكان پێكهاتییه‌ پارڤه‌كرییه‌ و تێده‌ دبێژه‌: ل نێزی باله‌فرخانه‌یا هه‌ولێرێ ته‌قینه‌ك چێبوو.

په‌كه‌كێ ئێریشا سه‌ر هه‌ولێرێ ووسا باس كرییه‌، هه‌ر وه‌كه‌ دوو زارۆكان تایره‌كێ ئۆتۆمبێلێ ل ده‌شتا هه‌ولێرێ شه‌وتاندنه‌

مه‌دیا په‌كه‌كێ تو فرسه‌ته‌كێ ژ بۆ ئێریشا سه‌ر حكوومه‌تا باشوورێ كوردستانێ ژ خوه‌ ناكه‌، رۆژانه‌ د ANFێ ده‌، ستێرك tv، رۆناهی tv و رۆژ نیۆسێ و هه‌موو ئه‌كران و پێگه‌هێن گرێدای په‌كه‌كێ، ب ئاوایه‌كی قرێژ و پلان كری، ئێریش ل سه‌ر حكوومه‌تا باشوورێ وه‌لات تێ كرن، ئاگاهییه‌كا هه‌ری بچووك ژی په‌كه‌كه‌ دكه‌ رۆژه‌ڤ ژ بۆ كو ڤێ حكوومه‌تێ پێ نه‌جوان بكه‌ و ل به‌ر چاڤێن گه‌ل ره‌ش بكه‌.

 لێ به‌لێ ئه‌ڤ جارا دوویه‌مینه‌ د ده‌ما دوو مه‌هان ده‌ ئێریش ب رۆكه‌تان ل سه‌ر هه‌ولێرێ تێ كرن و مه‌دیا په‌كه‌كێ تو ئاگاهییان ل سه‌ر ڤان ئێریشان پارڤه‌ ناكه‌، به‌لكو ئێریش ووسا بچووك نیشان دانه‌، هه‌ر وه‌كه‌ دوو زارۆكان تایره‌كا ئۆتۆمبێلێ ل ده‌شتا هه‌ولێرێ شه‌وتاندنه‌.

ئاژانسا ANFێ كو وه‌شانێ ب 10 زمانان دكه‌ ل ده‌ربارا ئێریشا شه‌ڤا ده‌رباسبوویی ووسا دبێژه‌: ل نێزی بالافرگەھا ناڤەنتەوەیییا ھەولێرێ تەقینەک پێک ھاتییە، ل سەر زیان و ئەنجامێن ئێریشێ ئاگاھیێن زەلال نەھاتنە گرتن.

هه‌گه‌ر مرۆڤ مه‌دیا په‌كه‌كێ ب شۆپینه‌ وێ ب ئاوایه‌كی زه‌لال ئه‌شكه‌ره‌ به‌ كو كێفا رێخستنێ ب ئێریشا سه‌ر هه‌ولێرێ هاتییه‌، ده‌ما بوویه‌ره‌كا بچووك ژی ل باشوورێ كوردستانێ د قه‌ومه‌، ئاژانسا ANFێ، دكه‌ مژار، داخویانییان دده‌، چالاكی، میتینگان ل دار تێخه‌، هه‌موو ئه‌كرانێن و پێگه‌هێن خوه‌ ئه‌رك دار دكه‌،  ژ بۆ كو ڤێ بوویه‌را بچووك بكه‌ شاشێتییه‌ك و ل به‌ر حكوومه‌تا باشوور بكه‌، لێ به‌لێ ل سه‌ر بوویه‌ره‌كه‌ مینا ئێریشا سه‌ر هه‌ولێرێ گۆتییه‌ كو ئاگاهی تونه‌نه‌!.

په‌كه‌كێ ب ڤی ئاوایی ئالیكاری ژ بۆ ئێریشا سه‌ر هه‌ولێرێ كرییه‌

پرسا ل ڤر تێ كرن، گه‌لۆ هه‌گه‌ر كێفا په‌كه‌كێ ب ڤێ ئێریشێ نه‌هاتبه‌، چما په‌كه‌كه‌ بێ هه‌لوه‌سته‌ و د مه‌دیایا خوه‌ ده‌ تو ئاگاهییه‌ك ل سه‌ر پارڤه‌نه‌كرییه‌؟ به‌رسڤ ئه‌ڤه‌ كو په‌كه‌كه‌ نكاره‌ باس ل ڤێ ئێریشێ بكه‌ ژ به‌ر دوو سه‌ده‌مان، یا یه‌كێ ئه‌ڤه‌ كو شریكێن په‌كه‌كێ ئانكو حه‌شدا شه‌عبی وێ عاجز بن و سه‌ده‌ما دوویه‌مین ژی ئه‌ڤه‌ كو په‌كه‌كه‌ ب ئاوایه‌كی ده‌ست د ڤان ئێریشان ده‌ هه‌یه‌، ژ به‌ر كو رێخستنێ ب ئاوایێ لۆجستی ئالیكارییا شریكێن خوه‌ ژبۆی ئه‌نجامدایینا ڤێ ئێریشێ كرییه‌.

په‌كه‌كه‌ ب ب ئێعتیرافا ئیرانێ ب فه‌رمی مینا حه‌شدا شه‌عبی كه‌تییه‌ د محوه‌رێ مقاوه‌مێ ده‌، ئه‌ركا وێ پاراستنا به‌رژه‌وه‌ندیێن ئیرانێ یه‌، له‌وما هه‌ر كاره‌كێ حه‌شدا شه‌عبی ل دژی باشوورێ كوردستانێ ژ بۆی به‌رژه‌وه‌ندییا ئیرانێ ئه‌نجام دده‌، ب ئاگاهی و ئالیكارییا په‌كه‌كێ ئه‌نجام دده‌، ژ به‌ر كو حه‌شد و په‌كه‌كه میلیسێن یه‌ك ئالی نه‌، ب گۆتنه‌كه‌ دن: فه‌رمان و ته‌علیماتێن كو ئیرانێ ژ بۆی حه‌شدا شه‌عبی د شینه‌، پارا په‌كه‌كێ تێده‌ هه‌یه‌.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری