هۆشەنگ ئۆسێ
درەوەک مەزن و زەخم ل جەم پەکەکێ ھەیە، و مخابن، رۆژەک ژ رۆژان، من ژی ئەڤ درەوە باوەر کربوو و وەکو راستیەکا بەر ب چاڤ و دیرۆکی و بێگومان ددیت! وەکو ھەموو پەکەکەئیان ئەڤ درەوە، وەکو بەنیشتێ قەرەچا، من دجی.
ل گۆری درەوا پەکەکێ: کوردان دەسکەفەتەک ل کووڤە ھەبیت، یان ئەگەر د سبەرۆژێ دا چێ ببیت، د کوردستانێ دا یان ژی ل ئەرجەنتینێ، یان ل سەر بانێ ھەیڤێ بیت، ئەو دەسکەفت، تەنێ ئەنجامێ چەکێن پەکەکێ یە و بەرھەمەکە ژ بەرھەمێن خەباتا پەکەکێ یا چەکداری! چ گوھەرین و ڤەگوھەرین ل ئامەریکا، ئەفریقیا و ئاسیا چێببیت، تەنێ ژ بەر چەکێن پککێ یە چێ دبیت.
ئەڤ درەو و گەلەک درەوێن دی یێن پەکەکێ کو گەلەکن و داوی ل وان ناهێت، من ژی باوەر دکرن و بەلاڤ دکرن و دەست ژ بۆ وان دقوتان.
نها، سترانا شڤان پەروەر “لۆ مە چ کر، مە چ کر، مە خوەلی ل سەرێ خوە کر” چەند ل بەژن و بالا مە دهێت.
تا نھا، ھین گەلەک خوەلیسەر باوەر ژ دەرەوێن پەکەکێ دکەن. ھندەک دۆست د ناڤ پەکەکێ دا ھەنە باش درەویێن پەکەکێ ناس دکەن، لێ ددەنە خاترا خوینا کەچ و خۆرتێن کوردان کو ل سەر رێیا درەوێن پەکەکێ ھاتیە و دهێتە رژاندن.
