رژێما ئیرانێ گه‌نجه‌كێ ئیلامێ سێداره‌ دا

گه‌نجه‌كێ دی یێ كورد ب ناڤێ جەمال محەمەدی کو ژ پارێزگەھا ئیلامێ یا رۆژھه‌لاتێ کوردستانێ یە، ژ ئالیێ دادگەھا رژێما ئیرانێ ڤە ھات سێداره‌ دان.

کۆمەلەیا مافێ مرۆڤان یا کوردستانێ، ئەشکەرە کرییە کو دوهی رۆژا یه‌كشه‌مبی 16/5/2021ێ گه‌نجێ ب ناڤێ جەمال محه‌مه‌دی كو ژ خەلکێ ئیلامێ یه‌، ل گرتیگەھا ناڤەندی یا باژارێ ئیلامێ ھاتییە سێداره‌ دان.

ھات دیار کرن کو جەمال محەمەدی بەری دو سالان ژ ئالیێ دادگەھا باژارێ ئیلامێ ڤە ب تاوانا کوشتنا فەرماندارەکی سوپایێ پاسداران ھاتبوو گرتن و جەزایێ سێداره‌دانێ ل سەر وی ھاتبوو سەپاندن.