سەکرەتەریا ئەنەکەسێ راگھاند کو ھێزێن ئاساییشێ یێن سەر ب پەیەدێ ڤە، ئەندامێ کۆمیتا چلاخا و ھەم ئەندامێ کۆمیتا ھەرێمێ یێ پەدەکەسێ عەبدولغەفار محەمەد رەڤاندنە.
د راگھاندنا ئەنەکەسێ دا ئەندامێ ئەنەکەسێ عەبدولغەفار محەمەد د دەما کو د گەل ژنا خوە دا ل سەر رێیا رمێلان و قامیشلۆ د ئۆتۆمۆبیلا خوە دا دچوون، ھێزێن ئاساییشێ رێیا وان گرتیە. ھەڤژینا وی نێزیکی گوندێ شاباکێ ژ ترۆمبێلێ ئانیە خوارێ و عەبدولغەفار بریە جیهەکێ نەدیار.
عەبدولغەفار محەمەد د 28ێ ئادارێ دا ھاتیە رەڤاندن چەکدارێن پەیەدێ گۆتیە وی کو د ناڤ پەدەکە-سێ و ئەنەکەسێ دا کار نەکە، و تەهدید ل وی هاتینە کرن. د راگھاندنێ دا وەھا ھاتیە گۆتن:
“ئەم ڤێ کریارا تەرۆریستی یا ل دژی بهایێن مرۆڤاھیێ شەرمەزار دکەین. ئەڤ کارە بەلگەیێ تێکچوونا برێڤەبرنا دیالۆگا کوردە و نیشان ددەت کو ناخوازن دیالۆگ بهێتە رێڤەبرن. بلا هەموو سیاسیێن د زیندانان دا بێنە بەردان و ئەو کریارێن کو بۆ دژمناھیا خەلکێ کورد دکەن، بدەنە راوەستاندن.”
