تالانكرنا خوه‌زایا «به‌رواری بالا» رۆژه‌ڤا گۆر ئا باشوورێ كوردستانێ یه، داگیركه‌رییا ترك قڕا داران تینه، كه‌تییه خێر و بێرێ، مخابن یێ كو ده‌ری ژ ڤێ ئه‌نفالێ ره ڤه‌كری، «په‌كه‌كه» یه.
ژ پاش تالانكرنا گوند و باژارۆكێن باكورێ كوردستانێ د شه‌رێ خه‌نده‌كان ده ل 2015ان، ئێدی ژ بۆی په‌كه‌كێ گه‌را باشوور ده‌ستپێكرییه، ژ وێ ده‌مێ ڤه هه‌ر كو دچه عه‌سكه‌رێ ترك پێتر كێشی كووراهییا ڤێ په‌رچه‌یا وه‌لات دكه، رێڤه‌به‌رێن رێخستنێ هه‌ر سال دبێژن: «ئه‌مێ به‌رخوه‌دانێ گه‌ش بكن و ده‌م ده‌ما ئازادیێ یه»، ئه‌مێ ئه‌نقه‌رێ و ستانبۆلێ بشه‌وتینن، لێ ئێنجام تشته‌كا دن دبێژن، مه ب چاڤێ خوه دی ب ت ئاوایی خاكورك، خه‌تا سینۆر، ده‌هان گوندێن به‌رواری بالا و به‌شه‌كێ مه‌تینایێ ژ ده‌ست چوون، ئانگۆ هه‌ر ده‌ما په‌كه‌كێ به‌رخوه‌دان گه‌ش كری، لنگێن داگیركه‌ران درێژتر كرنه، هنه‌كی مایه ئه‌و لنگ ب چیایێ سپی بكه‌ڤن.
هه‌گه‌ر ئه‌م «شه‌رێ په‌كه‌كێ و تركیێ!!»، ل سه‌ر نه‌خشێ بشۆپینن، وێ ب زه‌لالی ده‌ركه‌ڤه به‌ر چاڤان كو ل 2015ان ترك ل كیژان ده‌رێ بوون و ئیرۆ ل كو ده‌رێ نه.
برادوست، خاكورك، چیایێ شەکیڤ، حەفتەنین، سینۆرێ ئامێدی، بامەرنێ، باتووفێ و ده‌هان گوندێن به‌رواری بالا ژ ده‌ست چوون، ل نه‌خشه‌ی ب نه‌رن، شه‌رێ پێشی 5 سالان ل خه‌تا سینۆر دهات كرن، ئیرۆ ل به‌ر ده‌رازینكا باژارانه.
ب كورتاسی په‌كه‌كێ و تركیێ «تفاقه‌ك» هه‌یه، تشتا ل سه‌ر ئه‌رد چێدبه، ب پلانێن پێشوه‌خته، موهیما رێخستنێ یه‌كه نابه دوو، ئه‌و ژی «رێخوه‌شكرنه ژ بۆی داگیركه‌رییا ترك».
مه‌دیا باشوور ب دیتنا هرچێ بێده‌نگه، لێ دبێژه ده‌وسا هرچێ ڤایه
ته‌ڤگه‌ریانا په‌كه‌كێ ل باشوور عه‌ینی «هرچێ و ده‌وسا هرچێ» یه، عه‌سكه‌رێ ترك كێشی به‌رواری بالا كر و پشتره هات و گۆت: «داگیركه‌ر قڕا داران تینه، ئه‌ڤ یێك بێ جه‌زا ده‌رباس نابه»!!.
تشتا كو بالا مرۆڤ دكشینه، هێژان به‌شه‌كا گه‌لێ باشوور ب به‌رخوه‌دانا ساخته یا په‌كه‌كێ باوه‌رن، هێژان ژ بۆی وان زه‌لال نه‌بوویه كو په‌كه‌كه بچه كو ده‌رێ پشتره عه‌سكه‌رێ ترك تێ ل وێ ده‌رێ جی دگره.
گه‌ل ته‌نێ كه‌زیێن گێریلایان دبینه، كنجێن وان یێن كوردی دبینه، ژ خوه ئه‌و نزانن رێخستنێ ئه‌ڤ گێریلا ب ناڤێ عه‌شقا كوردستانێ خاپاندنه و پرانی ژێ د زارۆكتیێ ده ره‌ڤاندنه و كێشی چیا كرنه، هایا گێریلا ژ «تفاقا رێڤه‌به‌رییا په‌كه‌كێ و تركیێ» تونه‌یه، په‌كه‌كه گێریلایان وه‌كه فیشه‌كا ل به‌ر تڤه‌نگا خوه دبینه، وان ژ بۆی به‌رژه‌وه‌ندییا تركیێ د ته‌قینه.
ناڤچه‌یێن په‌كه‌كێ ژ 2015ان ژ بۆ تركیێ هشتین، پڕی سامانێن خوه‌زایی نه، بێ ئه‌خلاقییه هه‌گه‌ر كێفا كورده‌كی ب داگیركه‌ریێ وه‌ره، لێ هه‌گه‌ر مرۆڤ بفكره وه‌ختا ناڤچه‌یه‌ك دكه‌ڤه ده‌ست داگیركه‌ران، وێ تشته‌كا ئاسایی به ئه‌و ناڤچه ژ خێر و بێرێ وه‌ره ڤالا كرن و قڕا هه‌ر تشتی بێ كرن.
لێ به‌لێ تشتا نه‌ئاسایی ئه‌ڤه، مه‌دیا باشوور ئه‌و قاس لاوازییا وێ هه‌یه كو پڕ ب هێسانی دكه‌ڤه بیسه‌یا په‌كه‌كێ، تو رێخستن ب قاسی په‌كه‌كێ هێزا مه‌دیایێ ب كار نائینه، ئه‌و رۆژانه نووچه و مژارێن به‌رخوه‌دانا خوه یا ساخته د وه‌شینه، هه‌گه‌ر ب مه‌دیا په‌كه‌كێ به، پێویسته نها عه‌سكه‌رێ ترك مینا دارێن ده‌ڤه‌را به‌رواری بالا بهاتبا قڕكرن، رۆژانه نووچه‌یێن كوشتنا عه‌سكه‌رێن ترك ژ ده‌ره‌و پارڤه دكه، مه‌دیا باشوور ژی ژ ڤان ده‌ره‌وێن په‌كه‌كێ باوه‌ر دكن و بێی كو بزانن ئه‌و دكه‌ڤن د خزمه‌تا په‌كه‌كێ ده و ره‌واتیێ ددن هه‌بوونا په‌كه‌كێ ل باشوور و به‌رخوه‌دانا وان یا ساخته.
یه‌ئجۆج و مه‌ئجۆج و جنه‌تا باشوور!
میناك:
