ئیرۆ دانێ سبێ پێشمەرگەیەکی دن یێ کوردستانێ ل زاخۆ ژ هێلا په‌كه‌كێ ڤە ھات شەھیدکرن، رێخستنا په‌كه‌كێ كو دوهی راگهاندییه ئه‌مێ ل ده‌مه‌كێ نێزیك بێگونه‌هییا خوه ژ ئێریشا سه‌ر پێشمه‌رگه‌هان ل مه‌تینایێ دیار بكه‌ین، ئیرۆ ئه‌ڤ بێگونه‌هی ب شه‌هید كرنا پێشمه‌رگه‌یه‌ك دن دیار كر.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا دووشه‌می 8/6/2021ێ، چه‌كدارێن په‌كه‌كێ پێشمه‌رگه‌یه‌ك دن ب ناڤێ «رزوان محه‌مه‌د عه‌لی» سندی ب گوللـه‌یا چه‌كا نیشانه‌شكێن ئارمانج گرت و شه‌هید كر.
ئه‌ڤ ئێریش ئیرۆ دانێ سبێ ل چیایێ بهێرێ یێ سینۆرێ ناڤچه‌یا ده‌ركارێ گرێدای باژارێ زاخۆ پێكهاتییه و پێشمه‌رگه‌یێ كو شه‌هید كه‌تی د ئەرکا خوە یا لەشکەری دا بوو.
رۆژا 5ێ خزیرانێ ژی چەکدارێن په‌كه‌كێ ل چیایێ مەتینا ل دەڤەرا ئامێدیێ، ئێریشی سەر ھێزەکا پێشمەرگە کربوون و د ئەنجامێ دا 5 پێشمەرگە شەھید بوون و 7 پێشمەرگە ژی بریندار بوون.
په‌كه‌كێ پاش ڤێ ئێریشێ گۆتبوو: باله‌فرێن تركیێ ئێریشا وان پێشمه‌رگه‌هان كرییه و ئه‌مێ ژ بۆی هه‌ر ئالییه‌كی دیار بكه‌ین كو ئه‌م ژ ڤێ ئێریشێ بێگونه‌هن، لێ به‌لێ ئیرۆ په‌كه‌كێ ئه‌ڤ بێگونه‌هی ب شه‌هید كرنا «پێشمه‌رگه‌یێ 6»ێ دیار كر.
هێژای گۆتنێ یه، پێشمه‌رگه‌یێ كو ئیرۆ ب ده‌ستێ په‌كه‌كێ هاتییه شه‌هید كرن، خه‌لكێ گوندێ چۆنكێ یه و ژ عه‌شیرا سندی یانه.
