ل ئیزمیرێ پۆلیسان ئێرشی ژنان کر

ل ئیزمێرێ پۆلیسان ب گازا ئیسۆتێ ئێریش کرە سەر گرووپەکا ژنان کو دخواستن خیڤەتێن ل پێش ئاڤاهیا هەدەپێ ل ئیزمیری هاتیە ڤەدەن، راکەن، کر.

ژ بۆ تازیەیا ئەنداما ھەدەپێ دەنز پۆیراز کو د ئەنجام ئێریشا ل سەر ئاڤاھیا هەدەپێ یا ئیزمیرێ دا جانێ خوە ژ دەست دابوو، ل تاخا چیمەنتەپەیا ناڤچەیا کۆناک ل ئیزمیرێ تازی ھاتە دانان.

ھەژمارەکا ژنان کو خواستن خیڤەتێ ل پێش ئاڤاھیا ھەدەپێ یا ئیزمیرێ ڤەدەن و تازیایا دەنز پۆیراز بۆ ناڤەندا پارتیێ ڤەگوھێزن لێ ھێزێن ئەولەکاریێ ب گازا ئیسۆتێ ئێریشی وان کرن. پشتی ئێرشێ ژن ل بەر دەریێ ئاڤاھیا ھەدەپێ راوەستیان.

ل ئالیێ دی، ژنان خواستن خیڤەتا کو ل بەر ئاڤاھیا پارتیێ ھاتیە ڤەدان، کو ژ رۆژا ئێریشێ ڤە بوویە سەدەما کارڤەدانان راکەن.

پارلامەنتەرا ھەدەپێ یا ئیزمیرێ سەرپل کەمالبای دەربارێ وان خیڤەتێن کو ل پێشیا ئاڤاھیێن پارتیا وان دا ھاتینە ڤەدان گۆت: “ئەڤ خیڤەتە ژ لایێ پارێزگەها ئیزمیرێ و قەسرێ ڤە ل ڤێرە ھاتینە ڤەدان. وان ژ بۆ کو پارتیا مە بکەنە ئارمانج ئەڤ خیڤەتێن بکوژان ل ڤێرە ڤەداینە. رێھەڤالا مە دەنیز ژ ئالیێ کەسەکێ کو ل سووریێ ھاتیە پەروەردەکرن ڤە ھاتە کوشتن. ئەڤ خیڤەتە، خیڤەتا بکوژی یە. ئەم دخوایزن خیڤەتا بکوژی ژ ڤێرە بهێتە راکرن.”