چه‌كدارێن په‌كه‌كێ ئیرۆ جاره‌كه دن بوون سه‌ده‌ما بۆردۆمان كرنا گوندێن باشوورێ كوردستانێ، لڤ و ته‌ڤگه‌را چه‌كدارێن رێخستنێ ل نێزی گوندێن مژی و سپیندارێ ئه‌ڤ گوند ئیرۆ راستی هێرشا باله‌فران كر.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا پێنجشه‌مبی 24/6/2021ێ، باله‌فرێن جه‌نگێ یێن ده‌وله‌تا ترك یا داگیركه‌ر، لڤ و ته‌ڤگه‌رێن چه‌كدارێن په‌كه‌كێ ل گوندێن «مژێ، سپیندارێ، ناڤچه‌یا دێرالۆك و ده‌ڤه‌را به‌رێ» گاره كرن ئارمانج.
ئه‌ڤ هێرش ل ده‌مژمێر 5:15 سه‌رێ سپێدێ پێكهاتییه و هه‌تا ده‌مژمێر 5:43 ده‌وام كرییه، باله‌فران هه‌ژماره‌كا رۆكێتان ل وان گوند و ناڤچه‌یان داینه.
ل گۆری دیمه‌نێن ڤان هێرشان كو ژ بۆ پێگه‌ها مه هاتینه شاندن، دۆمانه‌كا هه‌ری مه‌زن ل 5 جهێن جودا یێن كو رۆكێت ڤێ كه‌تینه، بلندبوویه.
رێخستنا په‌كه‌كێ چه‌ند پاشتره، لڤ و ته‌ڤگه‌رێن چه‌كدارێن خوه پتر دئێخیته ناڤا گوند و نێزیكی باژارۆكان، ب ڤێ ئه‌گه‌رێ گوند و ده‌ڤه‌رێن باشوورێ وه‌لات ده‌وام دكه‌ڤنه به‌ر هێرشا باله‌فران و ژ سالا رابووری ڤه، ب ده‌هان گوندێن سنۆرێ پارێزگه‌ها دهۆكێ هاتینه چوول كرن و بووینه مه‌یدانا شه‌ر.
