پارلامەنتۆیا ئالمانیایێ یاسایەک پەسەند کر و تێدا ئالایێ وان رێخستنێن کو د لیستەیا تەرۆرێ یا یەکیتیا ئەورۆپایێ دا جیھ دگرن، قەدەغە کرن و د ناڤ دا پارتیا کارکەرێن کوردستانێ (پەکەکە) و حەماسا فلستینێ ژی ھەنە.
پشتی جڤینەکا چەند دەمژمێری کو تێدا پارلامەنتۆیا ئالمانیایێ چەند پرۆژە-یاسایێن حکوومەتا ئانگەلا مەرکەل گۆتووبێژ کرن، پشترا ئەو پرۆژە-یاسا پەسەند کرن و ئێدی ئەو رێخستنێن کو د لیستەیا یەکیتیا ئەورۆپایێ دا وەک تەرۆریست تێنە بناڤکرن نکارن ل ت جھەکی ئالمانیایێ ئالایێ خوە بلند بکەن. ئەگەر ئەڤ بریارە بهێتە بنپێکرن، کەسێ بنپێکەر ب 3 سال زیندانیکرنێ دێ هێتە سزادان.
بریار ژ بۆ ئەنجوومەنا پیران ھاتیە شاندن و دهێتە پێشبینیکرن کو بهێتە پەسەندکرن. بەری ڤێ یاسایێ، تەنێ سەمبۆلێن پەکەکێ، حەماسا ئیسلامی و رێخستنێن کو یەکیتیا ئەورۆپایێ وان وەک تەرۆریست ب ناڤ دکەت ھاتبوون قەدەغەکرن، لێ ئەڤ یاسایە رێ نادەت ئالایێن وان رێخستنان ژی بهێنە بکارئانین و بلندکرن.
