ب ده‌هان گوندێن كرماشانێ بێ ئاڤا ڤه‌خوارنێ مانه‌

رێڤەبەرێ ئاڤا کرماشانێ راگهاند، 120 گوندێن سەر ب باژار ڤە بێ ئاڤا ڤەخوارنێ مانە و ژ تەڤایا نشتەجیێن کرماشانێ پرسگرێکا ئاڤێ یا یەک ملیۆن و 200 هەزار کەسی هەیە.

رێڤەبەرێ ئاڤێ ل کرماشانا رۆژهلاتێ کوردستانێ حەمید رەزا کەرەموەند، دەربارێ رەوشا ئاڤێ یا ل وێ پارێزگەهێ داخویانییەک دا.

حەمید رەزا کەرەموەند گۆت کو دەزگەهێن ئاڤێ یێن وێ پارێزگەهێ ب هەموو کارینێن خوە ڤە، ئاڤێ دکشینن و ژ خەلکێ رە پەیدا دکن لێ ژ ڤێ زێدەتر تشتەکی ژ دەستێ وێ نایێ.

کەرەموەند هەژمارا گوندێن بێ ئاڤ ژی ئەشکەرە کر و گۆت کو 120 گوند بێ ئاڤا ڤەخوارنێ نە و ب رێیا تانکەران ئاڤێ ژ وان رە پەیدا دکن.

رێژەیا بارینا بارانێ ئیسال ل وەک دەڤەرێن دن ل کرماشانێ ژی ژ %43 ژ کێم بوو و ئەو ژی بوو سەدەم کو ئاڤا بن ئەردێ کێم ببە و هنەک ژێدەرێن ئاڤێ هشک ببن و کریزا ئاڤێ دەرکەڤە.