رێخستنا په‌كه‌كێ 5 چه‌كدارێن خوه د ئێریشێن ده‌وله‌تا تركیێ ده ژ ده‌ست دان، دوو ژێ ئیرۆ ل ئاڤاشینێ كه‌تن به‌ر ئێریشێن باله‌فرێن جه‌نگێ.
هه‌په‌گێ ئیرۆ رۆژا یەکشەمبی 11/7/2021ان، ناسنامه‌یا 3 چه‌كدارێن خوه ئه‌شكه‌ره كر كو ل سالا 2017ان ل هه‌رێما جوودی یا بۆتانێ ل باكورێ كوردستانێ كه‌تنه به‌ر ئێریشا تركیێ، لێ به‌لێ ئیرۆ و پاش ده‌رباسبوونا 4 سالان ژ نوو ڤه ژ ده‌ست دایینا وان راگهاند.
ژ هێلا خوه ڤه، وه‌زاره‌تا پاراستنا نه‌ته‌وی یا تركیێ ئیرۆ هه‌ده‌ف كرنا دوو چه‌كدارێن په‌كه‌كێ ل ناڤچه‌یا ئاڤاشین یا هه‌رێما باشوورێ كوردستانێ راگهاندییه.
هێژای گۆتنێ یه، ئیرۆ رۆژا یەکشەمبی باله‌فرێن جه‌نگێ یێن ده‌وله‌تا تركیێ، لڤ و ته‌ڤگه‌رێن چه‌كدارێن په‌كه‌كێ ل هه‌ر یێك ژ شه‌رانش و خاكوركێ كرنه ئارمانج.
