هەرێما کوردستانێ ئامادەبوونا خوە ژ بۆ ئالیکارییا قوربانیێن شەواتێ نیشان دا

هەرێما کوردستانێ ئامادەبوونا خوە ژ بۆ ئالیکارییا قوربانیێن شەواتێ نیشان دا

حکوومەتا هەرێما کوردستانێ ئامادەبوونا خوە ژ بۆ ئالیکارییا قوربانیێن شەواتا نەخوەشخانەیا ئیمام حوسێن یا ل ناسریێ نیشان دا.

وەزیرێ تەندروستیێ یێ هەرێما کوردستانێ سامان بەرزنجی د پێوەندیێن تەلەفۆنی دە ل گەل وەزارەتا تەندروستیێ یا ئیراقێ، پارێزگارییا زیقارێ و رێڤەبەرییا تەندروستییا زیقارێ، ئامادەبوونا هەرێما کوردستانێ ژ بۆ ئالیکاری و شاندنا هەر پێویستیێن پزیشکی و پێشوازیکرنا بریندار و نەخوەشان بۆ نەخوەشخانەیێن هەرێمێ نیشان دا.

دوهـ ب شەڤ ل پارێزگەها زیقارا ئیراقێ ئاگر ب نەخوەشخانەیەکە کۆرۆنایێ کەت.

تەندروستییا زیقارێ راگهاند کو ئاگر ب نەخوەشخانەیا ئیمام حوسێن یا کۆرۆنایێ یا ل پارێزگەها زیقارێ کەت و د شەواتێ دە 58 کەسان جانێ خوە ژ دەست دان.

تەندروستییا زیقارێ رەوشا ئاوارتە ل پارێزگەهێ راگهاند و ئەشکەرە کر کو دوو کارمەندێن تەندروستیێ ژی د شەواتێ دە ژیانا خوە ژ دەست دانە.