رۆژهلاتێ کوردستانێ ل همبەر کریزا “نانی”دا

رۆژهلاتێ کوردستانێ ل همبەر کریزا"نانی"دا

ژ بەر بلندبوونا بهایێ نانی ل ئیرانێ و رۆژهلاتێ کوردستانێ، دوو رۆژن پرانیا فرنەیێن نانی ل باژارێ بۆکانێ هاتنە گرتن و بریار هاتیە دان سبە رۆژا دووشەمبی ب گشتی تەڤ فرنێن نانی بهێنە گرتن.

ئاژانسێن نووچەیان یێن تایبەت ب رۆژهلاتێ کوردستانی راگهاندن، پشتی بلند بوونا زێدەتر یا بهایێ نانی ل ئیران و رۆژهلاتێ کوردستانێ، دەما دوو رۆژانە ل باژارێ “بۆکان” یێ سەر ب پارێزگەها ئۆرمیێ یان نان ل فرنەیان نینە یان ژی گەلەک ب زەحمەت دهێتە ب دەست خستن.

ل گۆر چاڤکانیێن مەدیایی، د ڤان دوو رۆژان دا پرانیا فرنەیێن نانی هاتنە گرتن و بریار هاتیە دایین رۆژا دووشەمبیێ تەڤ فرنەیێن نانی بێنە گرتن.

ولاتیێن رۆژهلاتێ کوردستانێ ئاشکەرا دکەن، ئیرۆ رۆژا یەکشەمبی 25/7/2021ێ، ل بەر دەریێ فرنەیێن کو ئیرۆ هاتبوون ڤەکرن هەژمارەک هەری زیدە یا خەلکی نووبە گرتبوو، لێ نان ب دەست پرانیا وان نەکەت.

د ئیسال دا چەندین جاران بهایێ نانی ل رۆژهلاتێ کوردستان و ئیرانێ بلند بوویە و د ڤی دەمی دا ژی خەلک تووشی پرسگرێکێن بێ نانییێ بوویە.