زانینگەھا دیجلە یا ل دیاربەکرێ کو سالا بۆری، ب بەهانەیا نەبوونا دەستوورا دەستەیا بلندا پەروەردەیێ د بەشا زمان و ئەدەبیاتا کوردی دا نڤیساندنا تێزێن ب کوردی قەدەغە کربوو، بریارا خوە گوھەراند.
زانینگەھا دیجلەیێ ب رێزکنامەیەکێ راگھاندیە کو دێ ئیسال خوەندەکارێن بەشا زمان و ئەدەبیاتا کوردی شێن تێزێن خوە ب زاراڤەیێن کوردی یێن کورمانجی و زازاکی بنڤیسن.
د رێزکنامەیا نوویا ئیسال دا، رێ ھاتیە دان کو خوەندەکار دکارن ب زمان و زاراڤەیێن دی تێزێن خوە بنڤیسن.
زانینگەھا دیجلەیێ سالا 2020ێ ژ بلی ترکی ب زمانەکی دی نڤیساندنا تێزان ل قۆتابیان قەدەغە کربوو و ب تایبەت ژ بۆ بەشا کوردی د رایا گشتی یا کورد دا کارڤەدان ھاتبوون نیشاندان.
