ئیبراهیم ئەحمەد ئاژانێ په‌كه‌كێ بوو!
دلێ من ژ بۆی هێزێن گه‌ریلا پر دشه‌و‌تە، پرانیا گه‌ریلا چ کور چ کەچ كه‌سێن ولاتپارێز و فەداكارن، وان ژ بۆی ئارمانجه‌ك پیروز ده‌ست ژ تەڤ خوەشێن دنێ کشاندیە، لێ كه‌تینه د بن سیاسه‌تا شاش یا په‌كه‌كێ دە، یێن کو بوویه گه‌ریلا ژ بۆی ئازادیا كوردستانێ و دامه‌زراندنا ولاته‌كێ سه‌ربخوە بوونە گەریلا، لێ سەرکرداتیا په‌كه‌كێ وان گەریلایا ژ بۆی جیبجیکرنا میساقا مللى و ئیدۆلۆژییا كه‌مالسیتی بکار تینن.
ووسا دخویە کو سەرکرداتیا پەکەکێ ل سەر سێ بەشان پارڤە بوویە:
کەسێن د ئاستا سەرکرداتیێ دە و باوه‌رى ب كوردستانه‌ك سەربخوە هه‌یی، پرانیا ڤان کەسان جانێ خوە ژ بۆی ئازادیا کوردستانێ كریه قوربان، پەکەکە ژی بازارەک سیاسی ل سەر خوینا ڤان کەسان دکە و ب تەنێ هن جاران ژ بۆی ب خوەڤەگرێدانا مالباتێن وان، وێنەیێن ڤان کەسان د مەدیایا خوە دە پارڤە دکە و پەسنا وان دکە.
بەشا ددویان یا سهركرداتیا پەكەكێ دیسان ئەو کەسن کو باوه‌رى ب ئازادیا کوردان و كوردستانا مه‌زن هەیی و ئیرۆ ژ په‌كه‌كێ قوت بوویی و ل دەرڤەی رێخستنا په‌كه‌كێ خه‌باتا خوە یا سیاسی ددۆمینن و ژیانا وان هەرتم د خەتەرەیێ دەیە، ئەڤ خەتەری نە ژ ئالیێ دوژمن به‌لكو ژ ئالیێ په‌كه‌كێ ب خوەڤە دکەڤە سەر ژیانا وان.
کەسێن کو ئیرۆ سهركرداتیا په‌كه‌كێ دکن سێ جوورن، لێ د یه‌ك تشتی دە هەڤبەشن ئه‌وژى بەبەغا بوویینا وانە.
بەبەغا یەک ژ وان بالندەیانە كو کەساتیا وێ یا سەربخوە تونەیە، هەر کەس دکارە ب خوەدی کرنا بەبەغایەکێ تشتا کو ئەو دخوازە ب وێ بدە گۆتن، ڤێ یەکێ هەر کەس باش دزانە. سەرکرداتیا نها یا پەکەکێ ژی ئەو بەبەغا نە کو ژ ئالیێ ئۆجالان ڤە هاتنە خوەدیکرن و گۆتنێن تەڤلیهەڤ یێن ئۆجالان بەرا 30 سالان فێری وان کرین، بە بەردەوامی دوبارە و دەبارە و…..دکن، جوداهیا د نێڤبەرا بەبەغایێن ئۆجالان خوەدی کری و بەبەغایێن درست ب تەنێ ئەڤە کو تەمەنێ بەبەغایێن ئۆجالان پڕ درێژترە!
پرسا ل ڤر سەرهلددە ئەڤە، گەلۆ کی بەبەغایێن ئۆجالان فێری ئاخافتنان دکە؟! بەرسڤ پڕ هێسانە، ژ ئالیەکی ئۆجالان نها ژ ئیمرالیێ رە وان فێری گۆتنان دکە، ژ ئالیەک دن سازیێن ئیستخباراتی یێن دەولەتێن داگیرکەرێن کوردستانێ.
کەسێن د سەرکرداتیا نها یا پەکەکێ دە ل سەر سێ بەشان پارڤە دبن:
– بەشا یەکەمین، ئه‌و كه‌سن یێن کو ل بن ده‌ستێ ئاپۆ هاتینه په‌روه‌رده‌كرن و كه‌ساتیا وان ژناڤ بریە و ئەو كرینه بەبەغایێن خوە.
بەشا دویەمین، ئه‌و كه‌سن یێن کو د زیندانا دیار به‌كرێ دە تەسلیم بوویی و ئیتیراف لسه‌ر هه‌مى نهێنیێن په‌كه‌كێ كرى و بووینه شاگردێن ئیستخباراتا تركیێ.
بەشا سسێیان، ئه‌و كه‌سن كو ژ بۆی دەستخستنا پەرە، بازرگانیێ ب پرسگرێکا كوردى دکن و كه‌تینه بن كونترۆلا سازیا ئیستخباراتا ئیرانێ یا ب ناڤێ ئیتیلیعات.
ئه‌ڤ سێ جورەیێن ئەندامێن سەرکرداتیا پەکەکێ کو وەکە بەبەغاان هاتنە خوەدیکرن، گه‌ریلایێن ولاتپاریز ژ بۆی ئارمانجێن خوە بكارتینن، هه‌ر گه‌یلایه‌ك کو گۆتنێن ڤان بەبەغاان جیبەجی نەکە وێ ب ئاوایێن جودا جودا ب دەستێ پەکەکێ ب خوە وەرن تەسفیەکرن.
کەسێن نها سهركرداتیا په‌كه‌كێ دکن و ل سازیێن مەدیایی ده‌ردكه‌ڤن، كه‌سێن پڕ نەزانن، نه‌زانیا وان گهشتیه ئاستەکی كو هەر کەس هنەکێ ب بالداری گوهداریا گۆتنێن وان بکە وێ بکارە د ناڤ گۆتنێن وان دە هن گوتنێن بەرەڤاژی و هەڤدژ ببینە.
میناکا هەری زندی ژ بۆی ئیسپاتکرنا ئاخافتنا مە، گۆتنێن ڤێ داویێ یێن مستەفا قاراسوو نە، ده‌ما مسته‌فا قا‌را‌سو لسه‌ر ناكۆكییێن ناڤا یه‌نەكێ دە گۆتی: “ئه‌م ناخوازن موداخەلەیێ د ناڤا کارێن یه‌نه‌كێ دە بکن، ژبەرکو ئەڤ کار وێ زرارێ گهینته پرسگرێکا نه‌ته‌وی یا كوردان و رەحمەتا خوەدێ لێ بە ئیبراهیم ئەحمەد نیڤ یەنەکەییی و نیڤ پەکەکەیی بوو.”
ل ڤڕ پرس ئەڤە: گەلۆ قەی موداخەلەیا پەکەکێ د ناڤا باشورێ كوردستانێ دە و د کارێن حكوومه‌تا هەرێما کوردستانێ دە زرارێ ناگهینه پرسگرێکا نەتەوی یا كوردان؟ لێ موداخەلەیا وە د ناڤا پارتیه‌كێ دە وێ زرارێ بگهینە ڤێ پرسگرێکا ئەوقاس مەزن؟ ئه‌رێ یەنەکە مه‌زنتره یان حكوومه‌ته‌كا كوردى؟
گەلۆ قەی تو فێم ناکی دەما تو دبێژی ئیبراهیم ئەحمەد نیڤ پەکەکەیی بوو نیڤ یەنەکەیی، وب چ واتە تێ؟ گەلۆ تو فێم دلی کو ئاخافتنا تە ب ڤێ واتەیێ تێ كو ئیبراهیم ئەحمەد ریخستیێ پەکەکێ بوو د ناڤا یه‌نه‌كێ دە؟ گەلۆ تو فێم دکی تو ب ئاوایەکی دبێژى کو وی ژ بۆی په‌كه‌كێ د ناڤا یه‌نه‌كێ دە کار دكر؟؟ ئانکو تو دبێژى ئیبراهیم ئەحمەد ئاژانێ مه بوو د ناڤا مالا جه‌لال تاله‌بانی دە؟
