چەکدارێن تالبانێ کو ئیرۆ یەکشەمێ کەتنە پایتەخت کابوولێ دەست دانا سەر کۆشکا سەرۆکاتیا ئەفغانستانێ و دیمەنێن کو دەرباسی ناڤ کۆشکێ بوونە بەلاڤ کرن.
ھاتە راگھاندن کو تالیبان دەرباسی ناڤ کۆشکا سەرۆک کۆماریێ بوویە و دیمەنێن ژ ھووندرێ کۆشکێ کو ئەندامێن تالیبانێ کۆمبوونەکێ ئەنجام ددەن ژی ھاتن بەلاڤکرن.
بەردەڤکێ تالیبانێ زەبیحوللا موجاھید دەربارێ رەوشا داوی دا راگھاندیە کو پشتی ھێزێن حکوومەتێ ژ کابوولێ دەرکەتنە وان دەست ب کۆنترۆلکرنا ئاڤاھیێن سازیێن دەولەتێ کریە.
موجاھید ل سەر حەسابا خوەیا تویتەرێ گۆتیە، ئەو دخوازن ب ئاوایەکێ ئاشتیانە پایتەختی کۆنترۆل بکەن و ژ بەر وێ ژی ھێزێن حکوومەتێ ژ ھەرێمێ ڤەکشیانە و ئاڤاھیێن خوە ڤالا کرنە.
بالیۆزخانەیا ئامەریکایێ یا ل کابولێ ژی راگھاندیە، رەوشا کابولێ ب ئاوایەکی پر ب لەز دگوھەریت و و د ناڤا بالافرگەھا کابولێ دا ژی دەنگێ گوڵەیان دهێتە بھیستن.
ھەروھا بالیۆزخانەیا ئامەریکایێ داخواز ژ وەلاتیێن خوەیێن ل ئەفغانستانێ کریە، ل ھەر جھەکی کو ژ بۆ وان گونجاو بیت خوە ڤەشێرن.
چاڤکانیێن ژ ھەرێمێ دیار کرنە کو 40 بریندار ژی ل کابوونل بۆ نەخوەشخانەیان ھاتنە ڤەگوھەستن.
