پارێزگاریا ھاتایێ، ل باژارێ کیلیسێ ناڤێ مزگەفتا کوردا “کورتلەر جامیی” پشتی نووژەنکرنێ گوھارت و کرە “تورکلەر جامیی” ئانکو مزگەفتا ترکا.
پارێزگاریا ھاتایێ ب داخویانیەکێ دەستنیشان کر، ژ بەر کو پشتی نووژەنکرنێ گەلەک ھاتیە گوھارتن و چ تشتەکێ گرێدایی بەرێ نەمایە، ناڤێ وێ کرنە “مزگەفتا ترکان”.
وەزارەتا توریزم و چاندێ، ل باژارێ کیلیسێ مزگەفتا ب ناڤێ “کورتلەر جامیی”یا د سەدسالا 17ەمین دا، ژ لایێ حوسەیین ئاغایێ کورد ڤە ھاتبوو ئاڤاکرن، د سالا 2018ێ دا ناڤێ وێ گوھەرت و ناڤێ “مزگەفتا ترکا” ل سەر دانا. ناڤێ مزگەفت د سالا 2018ێ دا ب رازیبوونا رێڤەبەرییا گشتییا دیرۆک نڤیسینێ ھات گوھارتن و کرە “مزگەفتا ترکا”. مزگەفتا کو بەری نها تابلۆیا “کورتلەر جامیی” ل سەر ھاتبوو نڤیساندن، نھا ب تەمامی تابلۆ راکریە و تەنێ تابلۆیا “تورکلەر جامیی” هێلایە.
پارێزگاریا ھاتایێ د مالپەرا ئینتەرنەتێ دا ئاشکەرا کر، پشتی نووژەنکرنێ ژ بەر کو گەلەک ھاتیە گوھەرتن چ تشتەکێ پەیوەندیدار ب بەرێ ڤە نەمایە. پارێزگاریاهاتایێ دیار کر کو ژ بەر نووژەنکرنێ ناڤێ وێ وەکی “مزگەفتا ترکا” ھاتیە گوھەرتن.
