پەکەکێ ل دژی حکوومەتا ھەرێما کوردستانێ پێنگاڤەکا نوو دا دەستپێکرن

پەکەکێ ل دژی حکوومەتا ھەرێما کوردستانێ پێنگاڤەکا نوو دا دەستپێکرن

مەدیایا پەکەکێ ژ دوھی ڤە دەست ب پێنگاڤەکا ئێرشکاری یا نوو کریە. د ھەمان دەمێ دا پێکڤە، رێڤەبەریا ھەرێما کوردستانێ، پەدەکە و مەسعوود بارزانی د ھەموو چاپەمەنیا پەکەکێ دا ھاتن ئارمانج کرن. د ھەموو دەزگەھێن راگەھاندنێ دا ھەموەخت ب  نووچەیێن خەیالی-درەویێن مەزن ئێرش کرنە سەر ئیرادا باشوورێ کوردستانێ.

لێراستانینا ئێرشان گرنگە

ب سالانە پەکەکێ ل دژی حکوومەتا ھەرێما کوردستانێ دەست ب ئێرشکارییەکا بێەخلاقانە کریە.  ب تایبەتی ژی ئەڤ نووچەیێن درەو گەلەک جاران ھاتیە ئیسبات کرن کو سیناریۆ نە. لێ پشتی سەردانا سەرۆکۆمارێ فرانسایێ ئیمانۆئێل ماکرۆن دەست ب ئێرشان کرن، گەلەک یا بالکێشە. ھەر کەس وەدفکریت کو سەدەما ئێرشێن پەکەکێ یێن کو؛ “پەدەکێ وەکی سیخور و ھەرێما کوردستانێ وەکی ھەڤکارەکا ترکان نیشان ددەت” ژ بۆ ژهەڤ بەلاڤکرنا کەشێ ئەرێنی یێ کو ژ بەر سەرەدانا سەرۆککۆمارێ فرانسایێ ھاتیە چێکرن ھاتنە کرن. تشتێ بێی حەد پەکەکە ژێ دترسیت ناڤدەولەتی بوونا ستاتۆیا ھەرێما کوردستانێ یە.

پرۆپاگاندایا کو چاپەمەنیا پەکەکێ ب سالانە دکەت، ھەر دەم ھەول ددەت کو ھەرێما کوردستانێ ھەم ژ بۆ کوردان و ھەم ژی ژ بۆ رایا گشتی یا بیانی مینا جھەکێ نەئارام و مەترسیدار دەستنیشان بکەت.

چاپەمەنییا پەکەکێ سەرەدانا ماکرۆن نەدیت

مەدیایا پەکەکێ چاڤێن خوە ل سەردانا ماکرۆن یا ھەرێما کوردستانێ گرتن و نەخواست ببنیت، لێ ڤێ سەرەدانا ماکرۆن د ھەموو جیھانێ دا باندۆرەکا ئەرێنی یا مەزن چێکر. شێوازێ پێشوازی کرنا ماکرۆن د ناڤا ھەموو کوردان دا بوو جییێ شانازی و سەربلندییێ. پەکەکێ ئەڤ سەرەدانا کو بوویە مژارا سەرەکی یا ھەرێمێ و جیھانێ خواست نەبینیت، لێ بەلێ د مالپەرێن خوەیێن مەدیا جڤاکی دا رێبازەک دی، برێڤە دبەت.  ترۆلێن مەدیایا جڤاکی یێن پەکەکێ ب شرۆڤەیێن بێ بهاکرنا وەکی؛ سەرەدانا ماکرۆن ژ بۆ عەشیرەتێ-هۆزێ دەستنیشان دکەن و دخازن بهایێ ڤێ سەرەدانا دیرۆکی کێم بکەن. ئەم ب ڤێ ھەلوەستا چاپەمەنیا پەکەکێ شاش نە بووین، ئەو کارێن وەکو خوە بێ بها دکەن. مەدیایا پەکەکێ د شەرت و مەرجێن ئاسایی دا دەما خوەپێشاندانێن دو دکاندارێن ل باشوورێ کوردستانێ چێدبن، دبێژیت “ل باشوورێ کوردستانێ سەرھلدان ھەیە” و بوویەرێن خەیالی پێک تینیت و درەوێن ب پەرڤە دکەت.

چاپەمەنیا پەکەکێ بەری نھا سەردانا پاپا فرانسیس،یا کو ھەموو جیھانێ دەنگ ڤەدایی ژی نەخاست بوو ببینیت

نووچەیێن ئۆزگوور پۆلیتیکا

رۆژنامەیا پەکەکێ یا ل ئەورۆپایێ ئۆزگوور پۆلیتیکا، ئیرۆ ب ڤێ مانشێتێ “ھاتە زانین کو پەدەکە ل بەرامبەر پارا ژ بۆ تەسلیمکرنا  ھندەک کەسان ل گەل میتێ دا دانوستاندنێ دکەت” دەرکەت. ل گۆری ڤێ یەکێ، پێشمەرگەیان سێ کەس ل نێزیکی خەلیفانێ گرتینە و ئەو نھا ئامادەکاریێ دکەن کو بەرامبەر پارا وان بدەنە ترکیایێ. مەدیایا پەکەکێ دبێژیت کو ئەو ئاخاڤتنا سێ مالباتێن گەریلایە. لێ دەر بارێ ناسنامەیا ڤان مالباتان چ ئاگاھییان نادەت، چاڤکانییا ڤێ زانیارییێ ژی دییار نینە.

دەما کو ئەم بەرێ خوە ددەینە ناڤەرۆکا نووچەیێ، دهێتە فامکرن کو ئەڤ نووچە ل سەر میزەیێ ناڤەندا درەوان یا پەکەکی ھاتییە نڤیساندن.

ھەمان درەو د رۆناھی تیڤی دا ژی دهێتە بەلاڤکرن

رۆناھی تیڤی، کو ل قامشلۆ وەشانێ دکەت، د ڤان رۆژێن داوی دا نووچەیێن ھەرێما کوردستانێ وەکی نووچەیا یەکەمین بەلاڤ دکەت. د رۆناھی تیڤی دا، نووچەیێن کو دبێژن باشوورێ کوردستانێ نە جییێ ژییانێ یە، پێشمەرگە ب هاریکاریا دەولەتا ترک  ئێریشی گەریلایا دکەت، تێنە وەشاندن. ئەم دزانین کو رۆناهی تیڤی، ب کۆمیتەیا چاپامەنیێ یا پەکەکێ ڤە گرێدایی یە و بابەتان ئەو کۆمیتە دییار دکەت. ب تایبەتی وەشانێن ڤان رۆژێن داوی، ژ بەر زێدە بوونا پرسگرێکێن ئابۆری، جڤاکی و دادوەری یێن ل رۆژئاڤا کو ھەر کو دچیت زێدە دبن، دخوازن ڤێ رەوشێ ڤەشێرن و ساختە بکەن.

پوستێن ھەمان بەش