ھەڤسەرۆکاتیا کەجەکێ ب داخویانیەکێ ژ رایا گشتی خواست کو ل دژی پەدەکێ ھەلوەستی نیشان بدەت. ب راستی، چەند رۆژ بەرێ ل سەر ناڤێ ھەپەگێ ژی دو داخویانی هاتبوونە بەلاڤکرن و وان ژی ل دژی پەدەکێ ھندەک سووچێن کرێت کربوون. د جھ دا، ھەموو ئۆرگانێن گرێدایی کەجەکێ داخویانیێن ب ڤی رەنگی دان و پەدەکە مەحکووم کر.
جوداھیێن ناڤان نە هند گرنگن. یا سەرەکی ئەوە کو د جەبهێ پەکەکێ دا، د بن ناڤێ دژاتیا پەدەکێ دا دژمناتیەکا ب هەماهەنگی ل دژی باشوورێ کوردستانێ دهێتە مەشاندن. ھەمی داخویانی وەکی گاڤێن ب ھەڤ ڤە گرێدایی تێنە چێکرن. پەکەکە ڤێ یەکێ ژ بۆی ئارمانجەکێ ئەنجام ددەت. ژ بۆ گەھشتنا ڤێ مەبەستێ، پەکەکێ د چەند گاڤێن پراکتیکی دا بوویەر ئۆرگانیزە کرنە.
گاڤا 1: وەنداھیێن زەندوورا
وەنداھییێن گەریلایێن ل دەڤەرا زەندوورا، پەکەکێ گۆت بوو، کو ژ بەر پەدەکێ ناچار مابوون پاشڤە ڤەگەرن و ل ڤەگەرێ دا ژییانا خوە ژدەست داینە. لێ ڤێ بوویەرێ چ پەیوەندی ب ناڤچەیێن پێشمەرگەیان نینە. زەندوورا ھەرێمەکە کو د نیسانێ دا د بن دۆرپێچا ھێزێن چەکدارێن ترک دا بوو. ژ بەر کو سیاسەتا خەباتکارێن پەکەکێ نێزیکاتیەک بێوژدانانەیە “هەگەر مری شەھیدە، یێن ساخ ژی ھەر یێن مە نە” یە، داخویانییێن پەکەکێ یێن ل ھەمبەر ڤان گەنجان بێ بهانە. ئەڤ گەنجە نەکەتنە کەمینێ. ڤان گەنجان د تونەلا شەری دا ژیانا خوە ژ دەست دا. ئانکو، وان د ئەنجاما جیهێ خەلەت (توونەل)ا پەکەکێ و ئێریشێن ھێزێن چەکدارێن ترک دا ژیانا خوە ژ دەست دا. لێ بوویەر ب زانابوون هاڤێت سەر پەدەکێ و چ تێکلیا وێ بوویەرێ ب ھەرێمێن پێشمەرگەیان نەبوو.
گاڤا 2: ئێرشا ل سەر کامپا قادیا یا ئێزدیان کر
شەڤا 31ێ تەباخێ، تەقینەک ل کامپا قادیا یا کۆچبەرێن ئێزدییان ل نێزیکی زاخۆ قەومی. تەقین ل پشت مالا بەرپرسەکێ ھێزێن ئەولەکاریا رۆژئاڤایێ-دیجلە پێک ھات. زارۆکەک 1 مەھی و یەک ٩ سالی، دو زارۆک مرن. دەرکەت ھۆلێ کو بەرپرسێ سازیا ئاساییشێ ژ لایێ پەکەکێ ڤە چەند جارا ھاتیە تەھدیتکرن. بوویەر راستە راست پشتی گۆتنێن مراد قەرەیلان کو دگۆتن ئەو دێ تۆلا سەیید حەسەن هەلینن، پێکھات. ھەر کەس قەبوول دکەت کو پەکەکە بەرپسیارێ ڤێ بوویەرێیە. پەکەکێ د دەقەیا ئەول دا، ئیدیعا کر کو بوویەر ژ لایێ فرۆکەیێن ترکیایێ ڤە ھاتییە کرن و ھات گۆتن کو پەدەکە ترکیایێ دپارێزیت. لێ بەلێ، ل جھێ بوویەرێ ل پێش چاڤێن ھەر کەسەکێ شینوارێن تەقەمەنیەکێ ھاتن دیتن.
گاڤا 3: سیناریۆیا خەلیفان
پەکەکێ 4ێ ئەیلوولێ داخویانییەک بەلاڤکر، تێدا ئیدیعاکر کو 7 ھەڤالێن وان کەتنە کەمینا پەدەکێ و ژییانا خوە ژدەست دانە. لێ داخویانی گەلەکا شێلی بوو. ھاتە گۆتن کو ئەو ھاتنە گولـلەباران کرن، جیھ و دەم نەھاتنە دیار کرن. داخویانی وەکو سیناریۆیەکێ خویا دکەت، کو رایا گشتی دژی پەدەکێ بکەڤیتە حەرەکەتێ.
یا بالکێش ئەوە کو رۆژەک بەرێ، وەزارەتا پاراستنا نەتەوەیی یا ترکیا ژی، گۆتبوو کو وان 7 گەریلا ل گارێ کوشتنە و ئەرکێن وان ژی دیار کر بوون. ئانکو، گەریلایێن کو پەکەکێ باسی وان کری، ژ ئالیێ دەولەتا ترک ڤە ھاتبوون ئارمانجکرن.
ب راستی چ قەومی ؟
ئەو بوویەرێن پەکەکێ د ناڤا ھەفتەیەکێ دا بەحس کری ب چ ئاوایی پەیوەندی ب پەدەکێ ڤە نەبوون. د ھەرسێ بوویەرێن کو پەکەکە باس دکەت دا، بەرپرس و کوژەر دەولەتا ترک و پەکەکە ب خوەنە. پەکەکە گەنجێن ل زەندوورا د توونێلان دا بۆ مرنێ ب جھ کرن، ئارتێشا ترک و پەکەکە بەرپرسیار بوون. ل قادیا بۆمبەیا پەکەکێ چاندی، ھەردو زارۆک کوشتن. و وەنداھییێن ل خەلیفانێ ژ بەر ئێریشا ھەوایی یا دەولەتا ترک چێبوونە.
رایەدارێن پێشمەرگە ل سەر ھەر بوویەرەکا کو ھەتا نھا قەومیە ئاگاھی دانە. دەرکەت ھۆلێ کو ھەمی ئاگاھدارییێن کو ب دەمی ڤە ھاتیە چێکرن راست بوون. ژ ئالییێ دی ڤە، پەکەکێ، ھەر وەکی بوویەرا غازی سالح ئالیخان، هەردەم رەد دکر و د ئەنجامێ دا، ئاشکەرا بوو کو پەکەکێ ئەڤ کارە کریە. نھا، ئەو وەنداھیێن پەکەکێ د ئەنجاما ئێرشێن ئارتێشا ترک و ژ بەر شاشتییێن خوە ددەت و دایی تێخیت ستوویێ پەدەکێ کو بکاربن ھەمبەر پەدەکێ دژمناتیەکا مەزن ئۆرگانیزە بکەن.
پەکەکە چما ڤێ یەکێ دکەت؟
پەکەکەیا کو ل باکورێ کوردستانێ د وارێ لەشکەری و سیاسی دا ب داوی بوویە، ئەڤە دو سالن باشوورێ کوردستانێ ژ بۆی خوە وەکو رێیا دەرکەتنێ دبینیت. ژ پاییزا پار ڤە، پەکەکێ 10 پێشمەرگە شەھید کرن و نێزیکی 20 ژی بریندار کرن. لێ بەلێ، پێشمەرگێ کوردستانێ بەرسڤ نەدا. پەکەکێ ژ بھارێ ڤە خوە ژ بۆ ئێریشێ ئامادە دکەت. ب ئیحتیمالەکا مەزن، پەکەکە نیڤا مەھا ئەیلوولێ ، دێ ھندەک پلانێن جینایەت و کوشتنان ل باشوور ئەنجام دەت. ھەر وەھا دێ ئێریشی خالێن پێشمەرگە یێن ل خەتا ئامێدیێ-شێلادزێ ژی کەت. ژ بەر ڤێ سەدەمێ، ئەو ھەول ددەت کو ئێریشێن خوە د جڤاکێ دا رەوا بکەت. دخوازیت بنگەھێ جڤاکی بئافرینیت.
سەدەمەکا دی یا گرنگ ژی ئەوە کو ل گۆری گوھەرتنێن سیاسی یێن ل ھەرێمێ دخوازیت ژ بۆ خوە جھی ڤەکەت. سەرکەفتنێن دیپلۆماتیک و ئابۆری یێن ھەرێما کوردستانێ ئەو ل ئەمەریکا، ئەورووپا و جیھانێ وەکو رەمزەکێ لێکرییە، پەکەکە ڤان پێشکەفتنان ھەزم ناکەت، ھێژ پێتر ئێریشکار دبیت. ب بەرژەوەندیێن بەرتەنگ، خوەپەرەست تەڤدگەریت، پەکەکە د ئەساسێ خوە دا ھەول ددەت کو گۆتووبێژێن کورد-کورد یێن کو نھا ل رۆژئاڤا د بن گارانتۆریا ئەمەریکا و فرانسا دا تێنە ئەنجامدان تێک ببەت. پەکەکێ ژ بۆ پووچکرنا ھەڤدیتنێن کو سالا پار دەست پێ کربوون گەلەک ھەولدان کرن. ژ بەر کو بەهانەیێن درێژکرنێ ژێ بۆی وێ نایێن ھشتن، وێ پلانەکا توندرەوتر دەرخست دا کو زەمینا دانووستاندنان نەهێلیت.
پەکەکە ھەول ددەت کو ھەڤدیتنێن کوردان یێن ل رۆژئاڤا ژ ناڤ ببەت
ئەم دکارین بێژین کو پەکەکە دفکریت کو لگەل رەژیما سووریێ دا رێکەفتنەکا بلەز ئەنجام بدەت. ئەو دبێژیت ھەموو جیھان و ئەمەریکا دەیندارێ مەیە، ئەم چ بخوازین پێویستە ئەو پێک بینن. لێ ئێدی وەلاتێن یێکبوویی گۆھداریا ڤان گۆت-گۆتکێن پەکەکێ ناکەت، لەوما ژی نها پەکەکە دیسا ل بەر دەرییێ قەسرا بەشار ئەسەد ل شامێ دهێت و دچیت. ژ بۆ ڤێ، تێگەهشتنەکا ھەڤپارا لگەل ئرانێ دا ھەیە. پەکەکە سیستەما خوە یا حیزبێ ل سەر گەلێ رۆژئاڤا فەرز دکەت.
ب تایبەتی خوەپێشاندانێن ڤێ داویێ یێن دژی-پەدەکێ و راستیا کو چەند ئالیگرێن وان داکەتنە کۆلانان و ھەلوەستا دژمنانەیا رۆناھی تیڤی ژ خواستەکا پەکەکێ یا رێکەفتنا لگەل دەولەتا سووریێ دا ھات. پەکەکە دخوازیت لگەل دەولەتا سووریێ دا ب تەنا سەرێ خوە ل سەر میزێ روونیت و میزەیا گارانتۆرییا ئەمەریکا ب تەڤاھی ھلوەشینیت.
رێکەفتنا پەکەکێ یا لگەل داگیرکەران دا ل دژی خەتا سەربخوەیا نەتەوا کوردە
بێ گومان، ل پشت ڤێ رێکەفتنێ دەولەتا ئیرانێ ھەیە. ھەتا ترکیا ژی ھەیە. ئەم دکارین بێژین کو رێکەفتنا ئەنتی-کوردا کۆلۆنیالیستان ل سەر بنگەھێ بێ ستاتووبوونا کوردان د سەردەما نوو دایە، و ووسا دیارە کو پەکەکێ ئەرکێ نەھشتنا خەتا سەربخوەیا کوردان د ڤێ رێکەفتنێ دا گرتیە سەر خوە. د ئەساسێ خوە دا، ئەم دزانین کو پەکەکێ د لێگەرینا پشتەڤانیا ڤان دەولەتان دایە و وەکی جەردەڤانێ سنۆری ل گەل وەلاتێن داگیرکەر تەڤدگەریت.
دڤێت کورد ل دژی پەکەکێ ببنە خوەدی ھەلوەست
پێدڤییە کورد ل دژی رەفتارا پەکەکێ یا کو ل جەم داگیرکەران دسەکنیت، ئێریشکارە و تۆڤێ خەرابیێ د ناڤ کوردان دا دچینیت، ببنە خوەدی ھەلوەست. وە دیار دکەت کو پەکەکە، شەر نەخوازییا حکوومەتا هەرێما کوردستانێ وەکو لاوازییەکێ دبینیت و ژ بۆ بەرژەوەندیێن دەستھلاتا خوە دێ چەند گەنجەکان فرێکەتە ناڤا ئاگرێ شەری دا. دڤێت رەوشەنبیرێن کورد ل دژی ڤێ یەکێ ببنە خوەدی ھەلوەست و ل ھەمبەر ڤان گاڤێن مەترسیدار راوەستن. ب لەز، فشارەکا نەتەوەیی ل سەر ڤان پێنگاڤێڤ پەکەکێ یێن کو خزمەتا دەولەتێن داگیرکەر دکەن بهێتە ئاڤا کرن و پەکەکە ژ ڤان کریارێن دژمنانە بهێتە پاشڤەبرن.
