پەیەدە ل ھەمبەری گەلێ مەیێ رۆژئاڤا کوردستانێ، وەک وەکیلێ رەژیما بەعس، ژ رەژیمێ خرابتر زۆرداری و پەرچقاندنا مافێن ئینسانی و نەتەوەیی بەردەوام دکەت. لگەل رەژیما بەعسی دا ل رۆژئاڤایێ کوردستانێ دیکتاتۆریەکا خراب ئاڤا کریە. روخسەتێ نادەت کو ل رۆژئاڤایێ کوردستانێ پارتیێن کوردستانێ کار و خەباتێن خوەیێن سیاسی و رێخستنی برێڤە ببەن. کوردپەروەران دگریت و زیندانی دکەت و ئێشکەنجە دکەت و دکوژیت. ئەڤە ژ بۆنا کوردان و رۆژئاڤایا کوردستانێ وەک پرسگرێکەکا مەزن د رۆژەڤێ دایە.
وەک دهێتە زانین پەیەدێ د ھەماندەم دا ل دژی هەرێما کوردستانێ و پەدەکێ و سەرۆکێ کوردستانێ مەسعوود بارزانی و بارزانیان زمان درێژی و دژمناتیێ دکەت. ھەر دەم ژی ب وان دهێتە گۆتن کو هەوە ماف نینە دژمناتیا حکوومەتا هەرێما کوردستانێ و پەدەکێ و سەرۆکێ کوردستانێ و بارزانیان بکەن. ئەڤ چەندە ل د زیانا هەوەدایە. ھوون ب ڤێ ھەلوەستا خوە د ھەمان دەمی دا دێ زیانێ گەهینن رۆژئاڤایێ کوردستانێ.
لێ پەیەدێ دەسەت ژ ھەلوەستا خوە بەرنەدا. ئەو ھەلوەستا خوە دژوارتر کر. پەیەدە، د ڤان رۆژێن داوی دا ل ھەمبەری حکوومەتا هەرێما کوردستانێ و پەدەکێ و سەرۆکێ کوردستانێ خوەپێشاندان ئەنجامدان. د وان خوەپێشاندانان دا شیعارێن گەلەک خراب پێشکێش کرن. پەدەکە و سەرۆکێ کوردستانێ و بارزانی تەھدید کرن و سڤکاتی و بێەدەبی ب وان کرن. ئالایێ کوردستانێ و وێنەیێ سەرۆکێ کوردستانێ مەسعوود بارزانی و سەمبۆلێن پەدەکێ شەوتاندن.
گرینگترن مژارا دی ژی ئەوە کو پەیەدێ گەلەک ئاشکەرا ب وێنەیێ ئۆجالان و ب سەمبۆلێن پەکەکێ خوەپێشاندان ئەنجامدا.
گەلۆ ئەو خوەپێشاندن چ رامان ددەن؟ ئەز دخوازم ل سەر ڤێ یەکێ جارەکا دی راوەستم و پرسێ بەرسڤ بدەم. لەورا د دەربارێ ڤێ مژارێ دا من د رادیۆیای رێباز نیوز دا و د تەلەویزیۆنا ئارکێ دا ئانیبوو سەر زمان.
1- ڤان خوەپێشاندانێن پەیەدێ جارەکا دی دەرخست ھۆلێ کو ھەلوەستا پەیەدێ ل ھەمبەری حکوومەتا هەرێما کوردستانێ و پەدەکێ و بارزانیان ب ھەلوەستا پەکەکێ ڤە ھەمان ھەلوەستە. ئەڤ یەک ژ ئالیێ ھەموو کوردان دا باش دهێتە دیتن.
لێ ئەمەریکا پشتی ڤان داخویانیان د پێوەندیان دا گرانی دا ھێزا دەمۆکراتیک یا سووریایێ. لگەل حکوومەتا هەرێما کوردستانێ دا پەیوەندیێن خوە خورتتر کرن. ل ھەمبەری کارێن پەکەکێ یێن ل دژی حکوومەتا هەرێما کوردستانێ ھەلوەستا ڤەکری نیشان دا.
3- دهێتە زانین کو پەیەدە د دەمێ بەرێ دا ژی گەلەک ئاشکەرا ب وەنەیێن ئۆجالان و سەمبۆلێن پەکەکێ د خوەپێشاندانان دا ل ھەمبەری دەولەتا ترک ب کار ئانین. ئەڤە ژ بۆ دەولەتا ترک ل ھەمبەری ئەمەریکایێ بوو ئارگومانتەکا/بەلگەیەکا گەلەک گرنگ. ئەمەریکا ل ھەمبەری دەولەتا ترک کەتە ناڤ تەنگاسیەکێ. ل ئەمەریکایێ ژی گەلەک دەزگەھان ئەمەریکا د مژارا پەیەدێ دا رەخنە کرن.
ئەڤ ھەلوەستا پەیەدێ د دەما بووری دا بوو سەدەم کو عەفرین، سەرێکانیێ، گرێ سپی و گەلەک دەڤەرێن دی یێن کوردان ژ ئالیێ دەولەتا ترک ڤە بێنە داگیرکرن.
دەولەتا ترک هێژتا ژ ھەلوەستا تەڤایی داگیرکرنا رۆژئاڤایێ کوردستانێ دەست بەرنەدایە. پەیەدە دبێژیتە دەولەتا ترک کو وەرە ل ھەموو دەڤەرێن رۆژئاڤایێ کوردستانێ دەستوەردانێ بکە و رۆژئابڤایێ کوردستانێ داگیر بکە.
ھەتا کەنگی خرابیا پەکەکێ-پەیەدێ دێ ب ڤی ئاوایی بەردەوام بیت. ئەو کوردێن د ناڤ پەیەدێ دا نە و کوردێن رۆژئاڤایێ کوردستانێ نە، دڤێت بیچەک شعوورا خوەیا کوردی دەرخن پێش. ل دژی سیاسەتا پەیەدێ دەرکەڤن.
5- ئەو ھەلوەستا پەیەدێ ل ھەمبەری رۆژئاڤایا کوردستانێ و گەلێ کورد ئیستیفزازەکا مەزنە ژی. پەکەکە/پەیەدە ب ڤێ ھەلوەستا خوە دخوازیت کو د ناڤ کوردێن رۆژئاڤایێ کوردستانێ دا و ھەموو کوردان دا شەر دروست ببیت. ژبەر ڤێ یەکێ ھەلوەستا پەیەدێ یا دژمناتی ل ھەمبەری حکوومەتا هەرێما کوردستانێ و سەرۆکێ کوردستانێ و پەدەکێ و بارزانیان، ھەماندەم ل ھەمبەری ھەموو کوردانە.
ھەموو کوردێن ھەر چار بەشێن کوردستانێ، ھەموو کوردێن دنیایێ حکوومەتا هەرێما کوردستانێ ژ بۆ خوە وەک ھێلین و مالا خوە دبینن. باش دزانن کو د پاراستن و ل سەر پیا سەکناندنا حکوومەتا هەرێما کوردستانێ دا رۆلا سەرۆکێ کوردستانێ بەرێز مەسعوود بارزانی، پەدەکێ، بارزانیان گەلەک مەزنە. زیان گەهاندن ب وان، زیان گەهاندن ب ھەموو کوردانە.
6- پەکەکە/پەیەدە ب نووچەیێن درەو و مانیپولاسیۆنان دخوازیت کو د ناڤ کوردان دا شەیر دروست بکەت. لەورا د ڤان رۆژێن داوی دا دروەکا مەزن کر و گۆت کو پێشمەرگێیان 7 گەریلا کوشتنە. پەدەکێ گەلەک ڤەکری ئەڤ درەو دەرخست. لێ پەکەکێ ژ بۆ کو دناڤ کوردان دا شەر دروست ببیت ئیستیفزازا خوە بەردەوام دکەت. ب تایبەتی ژی ئارمانجکرنا شەخسیەتا سەرۆکێ کوردستانێ مەسعوود بارزانی د خوەپێشاندانان دا، گەلەک مەترسیدارە. ئەو تەڤگەرە ژ بۆ کو د ناڤ کوردان دا شەر دەرکەڤیت دهێتە مەشاندن.
