ل رۆژئاڤایێ کوردستانێ تەڤگەرەکا سیاسی یا نوو هات راگه‌هاندن

rojava-kurdistan-xewbun (2)

ل باژارێ قامشلۆ یێ رۆژئاڤایێ کوردستانێ، تەڤگەرەکا سیاسی یا نوو ب ناڤێ «تەڤگەرا خوەبوون» هات دامەزراندن و سیاسەتمەدارێ کورد عەبدولباقی یووسف سه‌رۆكاتییا وێ دكه‌ت، عه‌بدولباقی کەسایەتییەکا سیاسی یا ناسکرییە ل رۆژئاڤایێ کوردستانێ.

تەڤگەرا خوەبوون ل باژارێ قامشلۆدوهی رۆژا شەمبیێ 11ێ ئیلۆنا 2021ێ د کۆنفەرانسەکێ رۆژنامەڤانی دا دامەزراندنا خوە راگه‌هاند.

ل گۆری داخویانییا سەرکردەیێن تەڤگەرێ، ئەو نە پارتیەکا سیاسی نە، لێ په‌یوەندیێن وان د مەیدانا سیاسی دا بەردەوام دبن.

ئەندامێن تەڤگەرا خوەبوون دبێژن رەوشا ئالۆز و زه‌حمەت یا ل رۆژئاڤایێ  کوردستانێ، پێدڤی ب رێككه‌فتنه‌كا ئالیێن کوردی هەیە.

سەرۆکێ تەڤگەرا ژ رووداوێ را گۆت: «نە ل بەر چاڤێ مەیە ببینه‌ پارتییەكا سیاسی، ئەم دخوازین ئەڤ تەڤگەره‌ گوهەرتنەکا سیاسی و هزری د جڤاکا کوردی دا ئاڤا بکەت».

ب گۆتنا رێڤەبه‌رێن تەڤگەرا خوەبوونێ، ئەو ب مەبەستا پێشڤەبرنا پرۆژەیێن سیاسی ل دەڤەرێ و سەرخستنا دیالۆگێن هەیی د ناڤبەرا ئالیێن ناکۆک دا كار دكه‌ن.

پوستێن ھەمان بەش