پەکەکە جارەکا دی دبێژیت مە پەیوەندی ب شەهیدکرنا پێشمەرگەیان ڤە نینە!

پەکەکە جارەکا دی دبێژیت مە پەیوەندی ب شەهیدکرنا پێشمەرگەیان ڤە نینە!

مەدیایا پەکەکێ دوھی ل سەر شەھیدخستنا دو پێشمەرگەیان ل دینارتێ داخویانیەکا وەکو شانۆیێ بەلاڤ کر. بێ گومان، ئەم عەجێب گرتی نەماین و وان ب نیڤدەڤکی گۆت مە بوویەر ئەنجام نەدایە.

کەسێ شک و گومان نینە کو پەکەکێ د 16ێ ئیلۆنێ دا دوو پێشمەرگە شەھید کرنە. پێشمەرگەیێن ل جھێ بوویەرێ، وەزارەتا پێشمەرگە، خەلکێ دەڤەرێ و شاھدێن بوویەرێ ھەموو دزانن کو پەکەکێ ئەو بوویەر ئەنجامدایە. ھەیا کادرێن پەکەکێ و لایەنگرێن وێ ژی ھەمی دزانن کو پەکەکێ ئەڤ کارە ئەنجامدایە. دگەل ڤان ھەموو راستییان ژی، پەکەکێ ھەول دا کو بێژیت مە ئەڤ کارە ئەنجام نەدایە.

ژ بەر ڤێ سەدەمێ، ئەندامەکێ ناڤەندا چاپەمەنیا ھەپەگێ وەکی بەردەڤک داخویانیەک دا. کەسەکی ب ناڤێ سەردار یەکتاش ژ بۆ کو بێژیت ” مە چ پەیوەندی ب بوویەرێ ڤە نینە” ژ بۆ ANFێ داخویانی دا. لێ وەکی رێبازا شەرێ تایبەت، وی د داویا ئاخافتنا خوە دا ب نیڤدەڤکی گۆت مە ئەڤ کارە ئەنجام نەدایە. وەکە کو بوویەر نە تشتەکێ گرنگبیت نێزیک بوو. مینا کو مرۆڤان ژییانا خوە ژدەست نەدایە، ڤان مرۆڤان مالبات نینە، ئەڤە نە باب بوون، نە خوەدی زارۆک بوون، وەکە کو ئەو نە پێشمەرگە بوون، ئەڤ بوویەرە ھاتە بەحسکرن. وەکە کو تو باسی تشتەکێ بێ بها و بێ جان دکەی. بێ گومان، ئەڤە نە ئاخڤتنا کارمەندێ پەکەکێ یێ ب ناڤێ سەردارە. ئەڤە رێبازا پەکەکێ و ھەپەگێ یە، کوشتن و ئینکارکرن رێبازەکە، رێبازەک خایین و بێبەختانەیە.

دوبارەکرنا رێبازا کەڤن

پەکەکێ ژ جۆتمەھا سالا بووری هەتا نها 12 پەشمەرگە شەهید کرنە. هەتا نها نەگۆتیە یەک ژ ڤانا کو ئەڤە مە ووسا کریە. ھەر دەم ئنکار دکەت.

ھەپەگە ژ بوویەرا سەرێ زێرێ یا شەھید کرنا رێڤەبەرێ ئاساییشێ غازی سالح ئالیخان ژی ئینکار کر بوو، ھەری داوی، شەھید کرنا پێنچ پێشمەرگەیان ل ئامێدیێ ژی ئینکار کر. ھەیا د ئاستا ھەری بلند دا ، مراد قارایلان دەرکەت و گۆت، “بالافرێن شەری یێن ترک ئەو گولەباران کرن، دڤێت کۆمیتەیەکا سەربخوە بهێت لێکۆلینێ ل سەر بوویەرێ بکەت.” ئەڤە چەند سالە پەکەکە پێشمەرگە و سڤیلان دکوژیت و پشترا ژی دبێژیت مە نەکرییە، ئانکو پەکەکە خوە ل پشت درەوێن خوە ڤەدشێریت.

داخویانیێن ئۆزگور ژیاندا

داخویانیێن فەرماندارێ ھەپەگێ ئۆزگور ژیاندا، ھەر تشت دەرخستە ھۆلێ

ھەموو بوویەرێن کو ھەپەگێ رەد کربوون د بریارگەھا ناڤەندی یا ھەپەگێ دا ھاتبوونە پلان کرن. بوویەرا دینارتێ ژی ژ لایێ بریارگەھا ھەپەگێ ڤە ھاتبوو پلانکرن. پلانەکا گەلەک بەرفرەھ و وەکو چالاکییەکا دەسپێکرنا پێنگاڤەکێ بوو ل ھەمبەر پێشمەرگە. گەر د  وێ ترۆمبێلێ دا نە دو ب تنێ بەلکو 20 پێشمەرگە ژی ھەبان دا ھەموو شەھید بن. ژ بەر کو بۆمبەیەکا ڤەدایی یا 500 کیلۆیی ب ترۆمبێلێ ڤە تەقاندن. ئەڤ چالاکیە راستەراست ژ لایێ مراد قارایلان ڤە ھاتبوو پلان و رێخستن کرن. د ڤێ چالاکیێ دا دو ئارمانجێن سەرەکی یێن پەکەکێ ھەبوون.

پەکەکێ پلان دانابوو، کو ھەموو بەھدینان بکەتە گۆرەپانا شەری

 ژ ڤانا یا یەکەم؛ ئەو پلانا راکێشانا ترکیێ بۆ ناڤا ئاخا ژێر دەستھلاتا حکوومەتا ھەرێما کوردستانێ یە. نیڤا ئاخا کوردستانێ، کو د دیرۆکێ دا ب ناڤێ بەھدینان دهێتە زانین، ژ بۆ ئارتێشا ترکیا ھاتیە هێلان. ئارمانجا پەکەکێ ئەوە کو تەڤاھیا ھەرێما بەھدینان بکەتە گۆرەپانا شەری. ئەیالەتا بۆتان-زاگرۆسێ کاشی بەھدینان بکەت. ئانکو پەکەکە شوونا کو ئاخێ ژ دژمنی بستینیت دخوازیت ئاخا کوردستانا رزگارکری بکەتە ناڤا سنۆرێ ترکیایێ دا. باکور وەکە جوگرافی کاشی باشوور بکەت. دینارتێ وەکی دەڤەر د ڤی واری دا جیھەکێ گەلەک گرنگە. پلانا پەکەکێ ئەو بوو کو شەری ھەیا بەر دەرییێ هەولێرێ ببەت. ئەڤە پلانەکا گەلەک مەترسیدار و دژمنکارانەیە. پەکەکێ ب راستی ژی پاییزا بۆری دخواست ل ڤێرە شەری بدەتە دەستپێکرن. ژ بەر ڤێ یەکێ، پەکەکێ دخواست ل سەر خەتا دینارتێ ماییندە بجیھ ببیت و وێرێ ژی مینا ھەرێما نھێلێ و نێروە و رێکان بکەتە قادا شەری. لێ ژ بەر شەرت و مەرجان نەکاری وێ چەندێ ئەنجام بدەت. لێ ئیسال دخوازن ڤێ پلانێ ب چاڤسۆری بێخنە وارێ پراتیکێ دا.

یا دویەم؛ ئەو ژی دەر بارێ رێبازێن شەرێ پیسکۆلۆژیک یێ پەکەکێ یە. د بنگەھ دا، پەکەکێ ئەڤە سێ سالە شەرەکێ د ئاستا نزم دا ل دژی پێشمەرگە راگەهاندیە. پەکەکە دزانیت کو ئەو ل گەل پێشمەرگە بکەڤیتە ناڤا شەرەکێ گشتگیر دا دێ گەلەک زیانان بینیت. لەوما ژی ئەو شەرەکێ ب کێم دژواری ل دژی پێشمەرگە ئەنجام ددەت. پەکەکە شەرێ مەدیایی ب ھەموو شیوەیان ئەنجام ددەت، لێ شەرێ لەشکەری ب کۆنترۆل و نەوێرەکی ئەنجام ددەت. دخوازیت کو کوشتنا کوردان گەلەک نۆرمال بهێتە دیتن و د جڤاکی دا ڤێ تێگەھێ ئاڤا بکەت. دهێتە پێشبینیکرن کو ئەڤ رەوشە د پێشەرۆژێ دا ژی دێ وەھا بەردەوام بیت. ئانکو، ژ ڤێرە و پێدا، ئەم هەموو دێ ببینین کو پەکەکە دێ مینا تەقینیت، چەند پێشمەرگا شەھید کەت، و ھەر مەھ ل باژێران چالاکیێن بەروەخت ئەنجام دەت. کوشتن و ئالۆزییێ کەتە بەشەک ژ ژییانا گەلێ باشوورێ کوردستانێ. ئەڤە تەکتیکێن شەری تایبەتن کو پەکەکە ئەنجام ددەت. لێ ئەم دزانین کو بوویەر نە بوویەرێن لۆکالن، پەکەکێ شەرەکێ بەردەوام لێ کێم-دژوار دژی باشوور دایە دەستپێکرن.

شەرەکێ رەڤۆک و نەمەردانە

پەکەکە ڤی شەری ووسا ڤەکری دەست پێ ناکەت. ئەو ووسا خوە دیار دکەت کو یەکیتیا نەتەوەیی دخوازیت لێ بەلێ گەلەک نەمەردانە پێشمەرگە شەھید دکەت. ژ ئالیەکێ ڤە قارایلان دبێژیت کو ئەو دخوازیت لگەل مەسعوود بارزانی دا ھەڤدیتنێ ئەنجام بدەت، ل ئالیەکێ دی ژی ب ھەموو چاپەمەنییا خوە ڤە پەدەکێ و بارزانیان وەکو خایین رادگەهینیت. قارایلان دبێژیت، ئەم ناخوازین کوردان بکوژین. ل ئالیێ دی، مستەفا کاراسوو دەردکەڤیت و دبێژیت، “کوشتنا پێشمەرگە ب واتەیا شەرێ براکوژیێ ناهێت.” ئانکو، پەکەکە ب تایبەتی د وارێ شەرێ پیسکۆلۆژیک دا شەرەکێ کو گەلەک ب ھەڤ ڤە گرێدایی یە ئەنجام ددەت. ئەو ئێریشێ دکەت، لێ ھەمان دەم خوە وەکو مەخدوور نیشان د دەت؛ ئەو پێشمەرگەیان دکوژیت، لێ دبێژیت پێشمەرگە ل مە ددەن، ئەو درەوان دکەن لێ وەکو راستگۆ خوە دیار دکەن. ئەڤە رێبازا شەرێ تایبەتە. پێدڤییە ل ھەموو جیھانێ ل دژی ڤی شەرێ تایبەت تەکۆشین بهێتە کرن. ژ بەر کو دژمن خویا ناکەت، لێ ئەو ل ھەر دەرێ ئێرشێ دکەت.

پەکەکە تەنێ ژ ھەلوەستا نەرم مفا وەردگریت

بەری ھەر تشتەکێ، پێوسیتە ل ھەمبەر پەکەکێ ھەلوەستەکێ سیاسی بهێتە دیارکرن. دڤێت حکوومەتا کوردستانێ پەکەکێ وەکی بزاڤەکا کورد قەبوول کرنێ بدەتە ئالییەکێ و ھەموو لێبۆردەییا کو ھەتا نها ھاتیە نیشاندان ژێ ببریت. ھێزێن پێشمەرگە ژی دڤێت ب زەلالی ببینن کو لگەل دژمنەکێ بێبەخەت دا روو ب روو بوویە. پێویستە پێشمەرگە ژی بزانیت کو پەکەکە دژمنێ ھەری مەترسیدارە. پەکەکە دژمنەکە کو ژ داعشێ مەترسیدار ترە. ژ بەر کو ھەتا ئیرۆ، پێشمەرگە دلنەددا ل چەکدارێن پەکەکێ بدەن و ئەو وەکو برا ددیتن. لێبەلێ، برایێ وی خەنجەرێ ل پشتا وی ددەت. دڤێت چ جارا نەھێلن کو پەکەکە ژ ڤی جەوێ ھەستیار مفا وەرگریت. د بوویەرا دینارتێ دا پەکەکێ چار بۆمبەیێن ڤەدایی دانابوون. ھەر بۆمبەیەکا ڤەدایی ب 500 کیلۆیێن TNTیێ ھاتیە ئامادەکرن. یەک ب ترۆمبێلا کو دو پێشمەرگە تێدا بوون ڤە تەقاندن و ھەر دو پێشمەرگە شەھید کرن. خواست یا دی ب ئامبولانسێ ڤە بتەقینن لێ شانسی پێڤەنەپەقی. ئامبۆلانس دەرباس بوو پاش تەقاند. ھەر دو بۆمبەیێن ڤەدایی یێن دی ژی ل کێلەکا رێکێ هاتبوون دانان، داکو دەما پێشمەرگە د ھەوارێ تێن ڤان بۆمبەیان ب وان ڤە بتەقینن. ژ بەر کو پێشمەرگە ب ھشیاری چوونە جھێ بوویەرێ چ زیانێن گیانی چێنە بوون. بۆمبەیا چارێ ژی تیمێن ھەندەسێ ژ بن ئەردی دەرخست. چەتەیێن پەکەکێ نێزیکی 300 میترێن جاددەیێ و کێلەکێن وێ (تی ئێن تی) کربوون. پەکەکێ پلانا شەھید کرنا گەلەک پێشمەرگەیان دانابوو. دخواست ئۆپەراسیۆنەکا کۆمکوژیێ یا تژی کین و کەرب ئەنجام بدەت. دڤێت ھایا وە ژ ڤێ رەوشێ ھەبیت. بێ گومان، دێ بەرسڤا پێویست ژ بۆ دژمناتیا پەکەکێ هێتە دایین. گەلێ کوردستانێ ڤێ یەکێ باش دزانیت.

هیڤیکرنا مێرخاسیێ ژ پەکەکێ خەلەتە

لێ ھێژتا ژی ل گۆرەی دهێتە خواستن رەوشەنبیر، نڤیسکار و رۆژنامەڤانان ل دژی ڤان ھەولێن پەکەکێ یێن دژمنانە ھەلوەستا پێویست نیشان نەدایە. ئەو ھێژتا ژی دبێژن ئەم شەرێ براکوژیێ ناخوازین، بلا شەر چێنەبیت. لێ بەرۆڤاژی، پەکەکێ شەر دایە دەست پێ کرن و ل دژی حکوومەتا کوردستانێ شەر راگەهاندیە. پەکەکە ب واتەیا حەشدا شەعبی دهێت، پەکەکە ب واتەیا میلیشیایا ئیرانێ دهێت. دەما کو ل دژی پەکەکێ ھەلوەست دهێتە نیشاندان، ئەو ب وێ واتەیێ ناهێت کو مرۆڤی ھەمبەری حیزبەکا کوردی ھەلوەست نیشان دایە، ئەو ب واتەیا وێ یەکێ دهێت کو ل دژی ھەڤالبەندیا حەشدا شەعبی ھەلوەست ھاتییە نیشاندان. رەوش نە ئەوقاس ھێسانە کو ب چەند شیرەتان بهێتە چارەسەر کرن. ئارمانجا پەکەکێ ئاشکەرایە، ئارمانجا وێ ژناڤبرنا ھەرێما کوردستانێ یە. لێ ئارمانجا ھەرێما کوردستانێ ئەوە کو “رێگریێ ل شەرەکێ ناڤخوەیی یێ د ناڤبەرا کوردان دا بکەت”. د ناڤبەرا ڤان ھەر دو ئارمانجان دا جووداھیەکا گەلەک مەزن ھەیە. تو نکاری گولێ درێژی وی کەسی بکەی یێ کو بەرێ لۆلییا چەکێ خوە دایە سینگێ تە. ب تایبەتی ژ بۆ تەڤگەرەکا مینا پەکەکێ مەترسیدار و بێ بەخەت. پەکەکە تەڤگەرەکا ووسایە کو بێکو چاڤێ خوە بنقینیت کادرۆیێن خوە یێن 20-30 سالی دکوژیت. ژ پەکەکێ ھێڤیا هەڤالینییێ، کوردایەتیێ، وەفاداریێ و قەهرەمانیێ نەکەن ئەو ژ ڤان نرخان گەلەکا دوورە. پەکەکە دێ ب خاینی، ب قەلەشی و ب حیلە ئێرشێن خوە بەردەوام کەت. داخویانییا بەردەڤکێ چاپەمەنیا ھەپەگێ یا تێدا گۆتی مە ئەڤ کارە ئەنجام نەدایە ب راستی ب ڤێ واتەیێ دهێت: مە کر، گەر ل دەستێ مە بهێت ئەم دێ گەلەک زێدەتر ژی کەین.

پوستێن ھەمان بەش